Ol taǵamnyń buzylǵan-buzylmaǵanyn dál anyqtap beredi.
Norvegıadaǵy Ǵylym jáne tehnologıa ýnıversıteti ǵalymdary jemistiń nemese ósimdiktiń saý ekenin 96,7 paıyz dáldikpen anyqtaýǵa qabiletti qurylǵy jasady, dep habarlaıdy aqshamnews.kz
Zertteý nátıjeleri Sensors and Actuators B. Chemical jýrnalyna jarıalanǵan.
Elektrondy-murynnyń qurylymy ońaı: bar bolǵany bir antenasy bar. Burynǵy qurylǵylar óte kúrdeli ári qymbat bolatyn.
Basty mindet – kóp mólsherde qaýipti dep esepteletin ushpaly organık qosylystardy (UOQ nemese LOS – letýchıe organıcheskıe soedınenıa) dál jikteý.
Avtorlardyń aıtýynsha, UOQ-tyń hımıalyq quramy – adamnyń tynys alýy, azyq-túliktiń shirýi, óndiris prosesindegi mańyzdy ındıkator. Saý adam men aýrý adamnyń tynys alýy UOQ-tyń mólsheri boıynsha anyqtalady, ıaǵnı, aýrý adam tynys alǵanda aýaǵa zıandy qosylystar taraıdy.
E-murynnyń jumysyn tekserý úshin ǵalymdar dúkennen jańa satyp alynǵan qulpynaı, júzim, alma men shoshqanyń etin tekserip kórdi. Qurylǵy jaqsy nátıje kórsetti.
Endi E-muryndy shaǵyn ári arzan etip shyǵaryp, turmysta, aýyl sharýashylyǵynda, medısınada qoldanýǵa bolady deıdi ǵalymdar. Qandaǵy qant quramyn da tekserýge bolady eken.