Aldaǵy jylytý maýsymyna energetıkalyq nysandardy daıyndaý jumystary uıymdasqan túrde júrip jatyr, dep habarlaıdy aqshamnews.kz
Qazaqstannyń Birtutas elektr energetıkalyq júıesi Reseı Federasıasy jáne Ortalyq Azıa elderiniń energojúıelerimen qatarlas rejımde turaqty jumys isteýde.
Elektr stansıalary Sıstemalyq operator bekitken kestege sáıkes júktemeni kóterip otyr.
2025 jylǵa arnalǵan jóndeý naýqany aıasynda elektr stansıalarynda 10 energıa blogy, 63 qazandyq jáne 39 týrbınaǵa kúrdeli jóndeý júrgizý josparlanǵan. Qazirgi ýaqytta 2 energıa blogynda, 16 qazandyq pen 8 týrbınada jóndeý jumystary ártúrli kezeńde júrip jatyr. 1 energıa blogy men 2 qazandyqtaǵy jóndeý aıaqtaldy.
Energetıka mınıstrligi jóndeý naýqanynyń barysyn turaqty baqylaýda ustap, barlyq jumystardyń ýaqytyly ári sapaly oryndalýyn qamtamasyz etý úshin tıisti sharalardy qabyldaýda.