Qys maýsymynda elektr energıasyna tapshylyq týyndaýy múmkin.
Bul tapshylyq mamyr aıynan beri baıqalyp keledi dep habarlaıdy Almaty-akshamy.kz
Energyprom.kz-ke silteme jasap.
Bıylǵy qyrkúıek aıynda «KEGOC» AQ derekterine sáıkes elimizdegi elektrstansıalary 8,52 mlrd kVt.s energıa óndirdi, jyl ishinde kórsetkish 3%-ǵa kemigen. Al, tutyný kólemi 8,54 mlrd kVt.s bolǵan.
Portal dereginshe, bıylǵy toǵyz aıda elimizde 82,2 mlrd kVt.s elektr energıasy óndirilgen, jyl burynǵy kórsetkishten 2%-ǵa tómen. Ázirge tutyný kólemi óndiristen 0,03%-ǵa ǵana artyq, alaıda bul jaǵymsyz trendtiń basy ǵana bolýy múmkin. Óńirler arasynda energıa profısıti Pavlodar men Atyraý oblystarynda baıqalady. Basqa óńirlerdiń barlyǵynda elektr energıasyna tapshylyq bar.
Aldaǵy jylytý maýsymynda elektr energıasyna degen tapshylyq 1,5 mlrd kVt.s quraýy múmkin, onyń ornyn toltyrý úshin shekaralas memleketterden elektr energıasy ımporttalýy yqtımal. Buǵan deıin Energetıka mınıstri Bolat Aqsholaqov otandyq energokózderdegi qural-jabdyqtardyń tozýy saldarynan elektr jelilerinde apattar jıilep ketkenin aıtqan bolatyn. Búginde elektr energıasyn óndiretin qurylǵylardyń 60%-i tozǵan.
Qazirgi tańda «Samuryq-Qazyna» osy salada 2023 jylyna deıin jalpy quny 1,2 trln teńge bolatyn alty jobany júzege asyrýda.