Aldaǵy kúnderi aýa-raıynyń turaqsyz sıpaty eldiń soltústiginde, shyǵysynda, ońtústiginde, ońtústik-shyǵysynda áli de saqtalyp tur.
Naızaǵaı men ekpindi jel bolyp, burshaq jaýady. Eldiń ońtústik-shyǵysyndaǵy taýly aımaqtarda jańbyr men jylbysqy qar túrinde jaýyn-shashyn bolady dep boljanýda, dep habarlaıdy almaty-akshamy.kz.
«Qazgıdromet» RMK habarlamasy boıynsha, 21 qyrkúıekte ońtústikte, 21-23 qyrkúıekte shyǵysta, 21-22 qyrkúıekte eldiń ońtústik-shyǵysynda qatty jańbyr, ońtústik-shyǵystyń taýly aımaqtarynda qatty jaýyn-shashyn kútiledi.
Tek Qazaqstannyń batysynda, soltústik-batysynda, Batys antısıklonynyń yqpalymen jaýyn-shashynsyz aýa raıy bolady. Eldiń batysynda, soltústiginde jáne ortalyǵynda túngi jáne tańerteńgi ýaqyttarda tuman bolady dep boljanýda. Eldiń soltústiginde, soltústik-batysynda jáne ortalyǵynda túnde topyraq betinde 1 gradýsqa deıin úsik kútiledi.
Aýa temperatýrasy kúndiz respýblıkanyń batys oblystarynda 24-30-ǵa deıin, eldiń soltústik-batysynda 15-27-ge deıin kóteriledi, respýblıkanyń soltústiginde 10-16-ǵa deıin tómendeıdi, ortalyqta negizgi fon 10-23 jyly, shyǵysta 10-15-ke deıin tómendeıdi, ońtústikte 20-28-ge deıin joǵarylaıdy, ońtústik-shyǵysta 12-22-ge deıin , taýly aýdandarynda 2-10 gradýsqa deıin tómendeıdi.