13 maýsymǵa arnalǵan aýa raıy boljamy.
Qazgıdromet el aýmaǵyndaǵy qaýipti meteorologıalyq qubylystarǵa boljam jasady, dep habarlaıdy Almaty-akshamy.kz
Atmosferalyq frontaldy bólikterdiń ótýimen Qazaqstannyń basym bóliginde naızaǵaı oınap, jańbyr jaýady. Eldiń ońtústik-batysynda, qıyr shyǵysynda jáne ońtústiginde joǵary qysymdy óristiń áserinen jaýyn-shashynsyz aýa raıy kútiledi. Respýblıka boıynsha jeldiń kúsheıýi saqtalady, ońtústiginde, ońtústik-batysynda, ortalyǵynda shańdy daýyl kútiledi, soltústiginde burshaq, daýyl bolýy múmkin.
«Mańǵystaý, Atyraý oblystarynyń basym bóliginde, Batys Qazaqstan oblysynyń ońtústiginde, Aqtóbe oblysynyń ońtústik-batysynda qatty ystyq bolady.
Atyraý oblysynyń ońtústiginde óte qatty ystyq saqtalady.
Túrkistan, Aqtóbe, Qyzylorda, Aqmola, Abaı, Shyǵys Qazaqstan, Mańǵystaý, Jambyl, Jetisý oblystarynda, Almaty oblysynyń ortalyǵynda, soltústiginde, Pavlodar oblysynyń soltústiginde, Qaraǵandy oblysynyń ońtústiginde, Ulytaý oblysynyń ortalyǵynda, Atyraý oblysynyń soltústiginde, shyǵysynda, Qostanaı oblysynyń ońtústik jartysynda, Batys Qazaqstan oblysynyń ońtústiginde, shyǵysynda, soltústik-shyǵysynda tótenshe órt qaýipi bar», - dep habarlaıdy sınoptıkter.