Táýelsizdiktiń 30 jyly ishinde biz júz jyldyqqa teń joldan óttik. Eń bastysy, Qazaqstanda kópultty halyqtyń bolmysy, tatýlyǵy men kelisimi qamtamasyz etilgen. Bizdi álemdik arenada tanıdy jáne qurmetteıdi.
Elbasy Nursultan Nazarbaev «Nur Otan» partıasynyń Saıası keńesiniń keńeıtilgen otyrysynda «Eldiktiń jeti tuǵyry» qaǵıdattarynyń jıyntyǵyn usynyp, negizgi baǵdardy aıqyndaı otyryp, memleket tarıhyndaǵy jańa dáýirdi ashty.
Búginde elimizdiń basty saıası kúshi sanalatyn «Nur Otan» partıasy qalamyzdyń basymdyqtaryn, onyń bastamalary men mindetterin nasıhattaýdaǵy mańyzdy jáne barlyq almatylyqtardyń biriktirýshi kúshi retinde áreket etedi.
Birinshi qaǵıdatty iske asyrý bizdiń Táýelsizdiktiń altyn besigi Almaty qalasyna erekshe nazar aýdartady. Qazaqstannyń qalyptasý jolyndaǵy eń aıtýly oqıǵalar Almatymen tyǵyz baılanysty. Munda el úshin mańyzdy sheshimder qabyldandy: memlekettik egemendik týraly Deklarasıa, Konstıtýsıa qabyldanyp, Memlekettik rámizder bekitildi, Qarýly Kúshter, ulttyq valúta quryldy. Qala ekonomıka turǵysynan ǵana emes, sonymen qatar zamanaýı megapolıske tán tyń erekshelikterge de ıe boldy - júzdegen áleýmettik jáne ınfraqurylymdyq nysandar men jańa jaıly qoǵamdyq keńistikter qalanyń kórkin ashty, sondaı-aq joǵary áleýmettik belsendilikpen erekshelendi. Bul Elbasy Nursultan Ábishuly qol jetkizgen jetistikterdiń jáne Prezıdent Qasym-Jomart Toqaevtyń bizdiń qalamyzǵa degen turaqty qamqorlyǵynyń, erekshe nazarynyń júzden bir bóligi ǵana. Megapolıstiń erekshelikterin jáne bizge júktelgen jaýapkershilikti eskere otyryp, biz halyqpen jumysty barynsha jandandyryp, qala turǵyndarynyń kókeıtesti máselelerin tıimdi sheship, áleýmettik ınfraqurylymdy damytyp, atalǵan mindetterdi naqty iske asyrýymyz kerek.
Kópultty memleketimizde adamnyń quqyqtary men bostandyqtaryn saqtaý – Elbasynyń táýelsizdik tańynda qurǵan azamattyq qoǵam ınstıtýty - Qazaqstan halqy Assambleıasynyń basty maqsaty. Bul ekinshi prınsıptiń basty baǵyty. Keıbir elderde halyqtar dostyǵy men olardyń bir aýmaqta beıbit ómir súrýi qazirgi kezeńdegi ótkir másele. Budan bólek, qazaqstandyq patrıotızmniń qalyptasýyna yqpal etetin kelisim men birlik fýnksıasynyń baǵyty boıynsha Qazaqstan jastarymen belsendi jumys júrgizilýde. Atalǵan mańyzdy aspektide Almaty qala sanynyń úshten bir bóligin quraıtyn jastardyń qalasy bolyp sanalady.
Osylaısha, bizdiń ulttyq rýhymyz, ulttyq sana–sezimimiz ben qazaqstandyqtardyń ulttyq mádenıetiniń túp tamyry sanalatyn qoǵamnyń rýhanı negizderin saqtaý - Ult Kóshbasshysy sózderiniń birinshi dárejedegi mańyzdylyǵyna ıe. Osy tuǵyrnamanyń nátıjesinde bizdiń rýhanıat pen mentalıtetimizdi qalyptastyratyn alǵysharttar anyqtalady. Bul Qazaqstannyń Tuńǵysh Prezıdenti aıqyndaǵan shekara men aýmaqtyq tutastyqtyń saqtalýy, kórshi eldermen dostyq qarym-qatynas jáne qazaqstandyq qoǵamnyń shynaıy ıntegratory bolyp tabylatyn dástúrli otbasylyq qundylyqtardy qoldaý degen sóz.
Elbasy atap ótkendeı, bilimge degen umtylys pen eńbekqorlyq – ıgiliktiń kilti. Bizdiń turǵyndar úshin barlyq jaǵdaı jasalǵan, al nurotandyqtar úshin naqty maqsat qoıylǵan, ol - barlyq mindetterdi oryndaý. Bul qarapaıym adamdardyń ózekti máselelerin sheshýge baǵyttalǵan partıaǵa degen senimdi nyǵaıtýǵa yqpal etedi.
El óńirleriniń damý qaýpin arttyrǵan COVID-19-dyń uzaq karantıni jáne shekteý sharalary sıaqty barlyq syn–qaterlerge qaramastan, «Nur Otan» partıasy saılaý aldyndaǵy ýádelerin oryndaýda eleýli nátıjelerge qol jetkizdi jáne bul jumysty jańa baǵyt – «Eldiktiń jeti tuǵyry» qaǵıdattarynyń jıyntyǵy sheńberinde jalǵastyratyn bolady. Partıanyń saılaýaldy mindettemelerin oryndaýǵa jumyldyrylǵan tetikteri jumyssyzdyq deńgeıin 5,1% - ǵa deıin tómendetýge yqpal etti, 50 myńnan astam jańa jumys oryndary quryldy. Sapaly bilimge qol jetkizýdi qamtamasyz etý de mańyzdy másele bolyp tabylady. Atap aıtqanda, partıanyń Jol kartasy aıasynda barlyǵy 5 myń oryndyq 72 jekemenshik balabaqsha ashylyp, 3 memlekettik balabaqshanyń qurylysy aıaqtaldy. Búginde biz 5 jylǵa arnalǵan saılaýaldy ýádelerimizdiń 30%-yn oryndadyq.
Elbasy baǵytyn jalǵastyrýdyń arqasynda «Nur Otan» partıasy Almatydaǵy turaqty jaǵdaıdy qamtamasyz etý úshin bar kúshin salady. Bizdi árbir turǵynnyń ómir súrý deńgeıin arttyrýdaǵy ortaq maqsat biriktiredi.
Partıanyń Almaty qalalyq fılıaly «Eldiktiń jeti tuǵyry» qaǵıdattar jınaǵynyń negizgi baǵyttaryn jáne partıanyń Saıası keńesiniń keńeıtilgen otyrysynyń qorytyndylaryn talqylaý jáne túsindirý boıynsha belsendi jumys bastaǵanyn atap ótkim keledi. Qalada 700-ge jýyq partıa uıymy jáne 60 myń partıa múshesi bar. Búginnen bastap barlyq aýdandyq fılıaldarda bastaýysh partıa uıymdarynyń jınalystary men kezdesýlerin talqylaý bastalady. «Nur Otan» partıasy bul mısıany erekshe jaýapkershilikpen oryndap, eleýli tabysqa jetetinine senimdimin!