«Órleý» biliktilikti arttyrý ulttyq ortalyǵy» aksıonerlik qoǵamynyń fılıaly Almaty qalasy boıynsha pedagogıkalyq qyzmetkerlerdiń biliktiligin arttyrý ınstıtýtynda «Future English Online Teacher Community Program» pılottyq jobasy sheńberinde baspasóz-konferensıasy uıymdastyryldy.
Aıta keteıik, «Future English Online Teacher Community Program» – «Órleý» Basqarmasynyń Brıtandyq Keńes halyqaralyq uıymymen yntymaqtastyq aıasynda aǵylshyn tili muǵalimderiniń pándik quzyrettilikterin arttyrý maqsatynda ómirge kelgen pılottyq joba. Sonyń ishindegi kýrstarǵa Almaty qalasynan 50-den astam muǵalim qatysyp, kásibı biliktilikterin shyńdaýǵa kirisken bolatyn. Joba nátıjesinde muǵalimderdiń pándik jáne ádistemelik quzyrettilikteri artyp qana qoımaı, olar áriptesterimen ózara syndarly jumys tájirıbesimen almasý, jańa ıdeıalar men ózekti taqyryptardy talqylaý, birlesken zertteý jobalaryna qatysý múmkindigine ıe bolady.
Almaty qalasy boıynsha Pedagogıkalyq qyzmetkerlerdiń biliktiligin arttyrý ınstıtýtynyń aǵa oqytýshysy Petrova Larısa Borısovna muǵalimderdi daıarlaýdaǵy halyqaralyq yntymaqtastyqtyń artyqshylyqtaryn atap ótti. Al №200 mektep-gımnazıasynyń aǵylshyn tili muǵalimi Ishanǵalıeva Aıgúl Maqsotqyzy Halyqaralyq joba boıynsha zertteý jumysynyń erekshelikterine toqtaldy.
İs-shara sońynda Almaty qalasynan «Future English Online Teacher Community Program» jobasy boıynsha kýrsqa qatysýshy muǵalimder pılottyq joba aıasynda kókeıtesti suraqtarǵa jaýap alyp, pikir almasty.