Qarjy pıramıdasyn qurǵandardyń izi kesildi
Jedel izdestirý sharalaryn júrgizý barysynda Almaty oblysy boıynsha Qarjylyq monıtorıń agenttiginiń aýmaqtyq departamenti «Elimaı 2019» tutyný kooperatıvi túrinde qarjy pıramıdasyn qurǵan erli-zaıyptylar E.Kızbaev pen J.Ómirbaevany ustady, dep habarlaıdy Almaty-akshamy.kz
Olarǵa qatysty Qazaqstan Respýblıkasy Qylmystyq kodeksiniń 217-baby boıynsha Almaty oblysynda jáne elimizdiń basqa óńirlerinde «Elimaı 2019» tutyný kooperatıvi qarjy pıramıdasyn qurý jáne oǵan basshylyq etý faktisi boıynsha qylmystyq ister tergelýde. Kúdiktiler Almaty oblysynyń ýaqytsha ustaý ızolátoryna qamaldy.
Qazirgi ýaqytta aldyn ala tergeý organyna 125-ten astam zardap shekken adam júgindi, jábirlenýshilerdiń sany áldeqaıda kóp bolýy múmkin. Osyǵan baılanysty Almaty oblysy boıynsha Ekonomıkalyq tergeý departamenti zardap shekken azamattardy Ótegen batyr kenti, Battalhanov kóshesi, 11a mekenjaıy boıynsha nemese +7 (727) 251-71-06 senim telefonyna habarlasýdy suraıdy.