Memlekettik kirister departamentiniń málimetinshe, "Qazaqstan Respýblıkasyndaǵy kedendik retteý týraly" Kodekstiń 343–baby 1–tarmaǵynyń 7) tarmaqshasyna sáıkes, eger Eýrazıalyq ekonomıkalyq odaqtyń kedendik aýmaǵyna bir ýaqytta ákelý nemese EAEO–tyń kedendik aýmaǵynan bir ýaqytta áketý kezinde mundaı qolma–qol aqsha qarajatynyń jáne jol chekteriniń jalpy somasy keden organyna jolaýshylarǵa arnalǵan kedendik deklarasıany usynǵan kúnge qoldanysta bolatyn valúta baǵamy boıynsha on myń AQSH dollaryna balamaly somadan asyp ketse, qolma–qol aqsha qarajaty jáne jol chekteri kedendik deklarasıalaýǵa jatady.
"Alaıda, búgingi tańda eldiń ulttyq múddelerin qorǵaý jáne qarjylyq turaqtylyqty qamtamasyz etý maqsatynda QR Prezıdentiniń 2022 jylǵy 14 naýryzdaǵy № 830 Jarlyǵy qoldanylady, onda Qazaqstan Respýblıkasynyń Ulttyq Banki áketý kúnine belgilegen baǵam boıynsha eseptelgen jáne 10 000 (on myń) AQSH dollary balamasynan asatyn somadaǵy qolma–qol shetel valútasyn jáne (nemese) shetel valútasyndaǵy aqsha quraldaryn áketýge tyıym salynady.", – dep habarlady Memlekettik kirister departamenti.
Sonymen qatar, "Jeke paıdalanýǵa arnalǵan taýarlardy kedendik deklarasıalaý týraly" Eýrazıalyq ekonomıkalyq komısıa Alqasynyń 2019 jylǵy 23 shildedegi № 124 sheshimine sáıkes 16 jasqa tolmaǵan jeke tulǵalardyń jeke paıdalanýǵa arnalǵan taýarlary týraly málimetter, atalǵan tulǵalarmen birge júretin tulǵanyń jeke paıdalanýǵa arnalǵan taýarlary týraly málimettermen birge bir jolaýshy kedendik deklarasıada kórsetiledi.
Osylaısha, otbasynyń árbir múshesine 10 000 (on myń) AQSH dollary balamasynan aspaıtyn qolma–qol shetel valútasyn áketýge ruqsat etiledi.
Shildeniń 8-i kúni Astana áýejaıynda kedendik baqylaýdan ótken kezde qolyndaǵy aqshasyn deklarasıada kórsetpegen azamattyń ustalǵany habarlanǵan bolatyn. Onyń bagajyn tekserý kezinde rentgendik teledıdar júıesi qoldanylǵan 200 000 eýro (120 mıllıon teńge) tabyldy.