Elektrondyq úkimet ókilderi úshinshi tulǵalarǵa ESQ bermeý qajet ekenin eskertti.
eGov qazaqstandyqtarǵa eskertý jasady, dep habarlaıdy Almaty-akshamy.kz
Elektrondyq úkimet portalynyń ókilderi alaıaqtyq áreketterge baılanysty qazaqstandyqtarǵa úndeý jasady.
Qurmetti paıdalanýshylar!
Alaıaqtardyń qurbany bolmas úshin 1414-ten kodtary bar habarlamalardy úshinshi tulǵalarǵa jibermeńiz. Alaıaqtar habarlamadaǵy kodty paıdalanyp, sizdiń sıfrlyq derekterińizge qol jetkize alady, - delingen habarlamada.
Osy oraıda elektrondyq úkimet ókilderi úshinshi tulǵalarǵa ESQ bermeý qajet ekenin eskertti.
ESQ-ny úshinshi tulǵalarǵa bere otyryp, siz olarǵa zańdy qol qoıý múmkindigin beresiz jáne onyń saldary úshin jaýap beresiz, - delingen aqparatta.
Derekterdi qalaı qorǵaýǵa bolady:
- 1414-ten jiberilgen sms-kodty úshinshi tulǵalarǵa bermeńiz;
- ESQ úshinshi tulǵalarǵa bermeńiz;
- qyzmetkerler jumystan bosatylǵannan keıin ESQ keri qaıtarýyn qadaǵalańyz;
- resmı qujattarǵa qol qoıýǵa jaýapty qyzmetkerlerge jeke ESQ berińiz;
- ESQ bar fleshka joǵalǵan jaǵdaıda birden jańa ESQ alyńyz;
- HQKO alynǵan ESQ qupıa sózin aýystyryńyz;
- beıtanys adamdardan ESQ kiltin ashý úshin aqyly kómekke júginbeńiz.
ESQ týraly Zańynyń 10-babynyń 2-tarmaǵyna sáıkes ESQ jabyq kiltterin basqa adamdarǵa berýge bolmaıdy. Kodekstiń 640-babynyń 5-tarmaǵyna sáıkes, ESQ-nyń jabyq kiltin basqa adamdarǵa zańsyz bergeni úshin jeke tulǵalarǵa 10 AEK, al zańdy tulǵalarǵa 15 AEK mólsherinde aıyppul salynady.