Erteńnen bastap elimizde kartop eksportyna tyıym salynady
Vedomstvoaralyq komısıa shekteýdi kóktemge deıin ishki naryqty tolyq qamtyp, ónim qunyn arttyrmaý maqsatynda qabyldaǵan, dep habarlaıdy Almaty-akshamy.kz 24.kz-ke silteme jasap
Aýyl sharýashylyǵy mınıstri Erbol Qarashókeev kúzgi jıyn-terim kóp memleket úshin sátsiz bolǵanyn aıtady. Ásirese, Reseı, Pákistan men Irannan bólek, TMD kartobynan dámesin bildirdi.
Kórshi elge 80 myń tonnasy qajet. Mınıstr «onyń bárin biz eksporttaıtyn bolsaq, kóktemgi jaǵdaı bir aıda qaıtalanar edi» deıdi. Sebebi elde alqap keńeıtilgenmen, qamba byltyrǵydan 100 myń tonnaǵa az tolyqty.
Jıyny 3 mln 900 myń tonnasy jınalǵan. Qazir qordaǵy ónim men ishki suranys qaıta saralanyp jatyr. Artylǵan kartop syrtqa shyǵarylýy múmkin. Degenmen, onyń ózi jetkiliksiz bolady. Óıtkeni, suranysty óteý múmkin emes. Elimiz jyl saıyn 40-50 myń tonna ónimdi ımporttaıdy.
Endi quzyrly mamandar óndirýshilerge ishki naryqqa kóńil bólýge keńes beredi.
«Kórshi elderdi qarasaq, mysaly, Qyrǵyzstandaǵy kartoptyń kóp bóligi eksporttalǵan. Ózbekstan da syrtqy naryqqa táýeldi. Al Reseıde bıyl 8,3 prosentke az kartop alynǵan. Iaǵnı, qazaqstandyq ónimdi túgel satyp alýy múmkin degen sóz. Osy jaǵdaılardy eskere otyryp, vedomstvoaralyq komısıa eksportty shekteý týraly sheshim qabyldady», - dedi QR Aýyl sharýashylyǵy mınıstri Erbol Qarashókeev.