Jalpy shyǵyn kólemi - 28,8 mlrd teńge
Onyń ishinde memlekettik organdardyń 45 ǵımaraty jáne 306 komersıalyq nysan bar. Bul týraly Indýstrıa jáne ınfraqurylymdyq damý mınıstrligi málimet taratty, dep habarlaıdy Almaty-akshamy.kz.
Vedomstvo ǵımarattar 8 óńirde: Almaty jáne Shymkent qalalarynda, Almaty, Jambyl, Qyzylorda, Atyraý, Aqtóbe jáne Shyǵys Qazaqstan oblystarynda zardap shekkenin atap kórsetti.
Ákimdikterdiń aldyn ala baǵalaýynsha, zardap shekken ǵımarattardy jóndeýge jáne qalpyna keltirýge jumsalatyn jalpy shyǵyn kólemi - 28,8 mlrd teńge.
Onyń ishinde QR Prezıdentiniń İs basqarmasy qalpyna keltiretin QR Prezıdentiniń Almatydaǵy rezıdensıasyn esepke almaǵanda, memlekettik organdardyń ǵımarattary boıynsha zalal somasy - 28,7 mlrd teńge.
Jalpy kelgen zalal kólemi áli de naqtylanýda.
Ol Almaty qalasyndaǵy barlyq jyljymaıtyn múlik obektilerin tolyq zerttep, baǵalaǵannan keıin túpkilikti anyqtalady.
Mınıstr komersıalyq nysandarǵa qatysty jalpy somasy 109,2 mln teńge bolatyn jóndeý qajet ekenin aıtty.
Bul sanattaǵy zalal negizinen taýarlardyń búlinýi men joǵalýyna baılanysty.
Memleket basshysynyń tapsyrmasymen qurylǵan komısıanyń baǵalaýynsha, jalpy el boıynsha kelgen shyǵyn ǵımarattardy jóndeýge ketken shyǵynmen qosa múliktiń búlinýin de esepke alǵanda 136,8 mlrd teńgeni qurady.