Elde teledıdar baǵasy tómendedi.
Saýda naryǵynda mundaı ózgeris keıingi úsh jylda alǵash baıqalyp otyr, dep habarlaıdy aqhsmnews.kz 24.kz-ke silteme jasap.
Tehnıkanyń arzandaýyna ne sebep? Halyqtyń suranysy "kók jáshikke" shynymen azaıyp bara ma? Ulttyq statısıka búrosynyń aqparatyna sensek, osy qyrkúıekte teledıdar baǵasy kúrt túsip ketken.
2021 jyldan beri alǵash ret 15%-ke jýyq tómendepti. Keıingi 3 jyl úshin bul – rekordtyq kórsetkish. Sebebi osy kóktemde ǵana ulttyq búronyń esebi boıynsha teledıdar baǵasy 26,9%-ke, al keıingi bir jylda, ıaǵnı 2023 jylǵy qyrkúıekte baǵanyń 39 paıyzǵa deıin óskeni baıqalǵan. Baǵadaǵy mundaı ózgeristi tehnıka satatyn arnaıy dúken qyzmetkerleri suranystyń azaıýy dep túsindirdi.
Tehnıkaǵa suranystyń azaıǵany baıqalady. Halyqtyń kópshiligi: «Úıde teledıdar kóresiz be?» degen suraqqa «joq» dep jaýap berdi. Iá, teledıdarǵa suranys azaıdy desek te, teleónimge qyzyǵýshylyq tómendeı qoımaǵan. Sebebi ony tamashalaıtyn tehnıka túri aýysty degen durysyraq. Qazir barlyǵy qaltada ustaıtyn smartfondy serik etip ketken joq pa? Keregin sodan taýyp, kez kelgen jerde kóre beredi.