Bıylǵy naýryz aıynyń qorytyndysy boıynsha sút ónimderi bir jylda birden 29,1%-ǵa qymbattaǵan.
Energyprom sarapshylarynyń aıtýynsha, baǵa Mańǵystaý oblysynda aıtarlyqtaı ósti: 41,8%. Antılıderler qataryna Qyzylorda oblysy (33,7%-ǵa) jáne Astana (32,4%-ǵa) qalasy kirgen. Sút ónimderiniń baǵasy Aqmola (22,9%-ǵa) jáne Ulytaý (25,1%-ǵa) oblystarynda, Almatyda (25,2%-ǵa) bir jylda eń az qymbattaǵan, dep habarlaıdy Almaty-akshamy.kz Egemen.kz-ke silteme jasap.
Ótken jyldyń 12 aıynda sút jáne sút ónimderin ortasha tutyný jan basyna shaqqanda 226 kelini qurady. Bul 2021 jylmen salystyrǵanda 7,1%-ǵa az.
Sút pen sút ónimderin Aqmola oblysynyń turǵyndary kóp tutynǵan: jan basyna shaqqanda 267,1 keli. Odan keıingi orynda Astana men Almaty qalasy ornalasqan: tıisinshe jan basyna shaqqanda 259 keli jáne 253,7 keli. Eń tómen kórsetkishter Shymkent pen Qyzylorda oblysynda tirkeldi: jylyna jan basyna shaqqanda 138,1 keli jáne 183,8 kg.