Almaty qalasynyń qarıalary, zeınetkerleri «Bolshe chem lúbov» romantıkalyq komedıasyna bardy. Qaıyrymdylyq is-sharasynda qarttardyń kóńilderi kóterilip, bir sergidi.
Qazaqstan men Grýzıanyń birlese shyǵarǵan fılmniń tusaýkeseri naýryz aıynda bolǵan edi. Eki eldiń kınematograftary baıandaǵan hıkaıa Uly Otan soǵysynyń qan maıdanynan bastaý alady. Eki barlaýshy – grýzın Vano jáne qazaq Baqytjan, tapsyrmadan qaıtyp kele jatqanda áýeshabýylynyń astynda qalady.
Baqytjan óz ómirin qurban etip, Vanony qutqaryp qalady.
«Qalamyzdyń belsendi zeınetkerleri «OO AMMA» ujymynyń qarttary tamasha bir kınoǵa keldi. Kúndelikti kúıbeń tirshilikten boıdy sergitetin shara boldy. Sondaı-aq, ata-ájelerimiz uıymdastyrýshylarmen estelikke súretke túsip kıno jaıly syr shertisti. Bizdiń ortalyqta budan da basqa túrli sharalarǵa tegin bıletter beredi. Osylaısha úlkenderdiń kóńilin az da bolsa aýlaýǵa tyrysamyz. Qarttarymyz kınoda alǵan áserlerin bir-birimen bólisip, kóńildi tarqasty», – deıdi «OO AMMA» joba menedjeri Merýert Ydrys.
Fılm túsirilimi pandemıa kezinde ótken. Tbılısı mańynda áskerı sahnalar men hıkaıanyń grýzındik bóligi túsirildi. Sosyn túsirilim toby Almatyǵa keldi, munda túsirilim qala tarıhyndaǵy erekshe orynda: «Alma-Ata» qonaq úıi, «Medeý» muz aıdyny, sırk jáne basqa jerlerde ótken.
«Fılmdi túsirý ońaıǵa soqpady: Grýzıada komendanttyq saǵat ornatyldy, tikeleı reıster bolmady, 3 kún saıyn túsirilim tobynyń árbir múshesi PTR-testin tapsyryp otyrdy, túsirilimge ruqsat alýda da qıyndyqtar týyndady. Qazaqstanda da sondaı shekteýler bar edi. Biraq biz bárin eńserdik!» – deıdi atqarýshy prodúser Qaırat Maqajanov.
Aıta keteıik, «OO AMMA» ujymy qalamyzdyń qarttaryna arnalǵan túrli is-shalarady uıymdastyrýda. Úlken merekelik konsertterge, kıno, teatr syndy óner ordalaryna qarıalarǵa tegin joldama berýde.