Jyl basynan beri áleýmettik mańyzy bar azyq-túlik baǵasy 17,4%-ǵa qymbattaǵan.
Ásirese, pıaz, qant, sábiz, kartop, qaraqumyq, makaron, un jáne qyryqqabattyń baǵalary ósken. Bul týraly Úkimet basshysynyń qatysýymen ótken Memleket basshysynyń tapsyrmalaryn oryndaý boıynsha keńeste aıtyldy, dep habarlaıdy Almaty-akshamy.kz
Baǵa turaqsyzdyǵy Jetisý jáne Jambyl, Almaty, Mańǵystaý jáne Ulytaý oblystarynda, sondaı-aq Nur-Sultan jáne Shymkent qalalarynda baıqalady. Máseleni sheshý úshine Premer-Mınıstr «aınalym sqemasy» sheńberinde kásipkerlik sýbektilerin qarjylandyrý boıynsha jumysty jandandyrýdy, turaqtandyrý qorlaryn tolyq qamtamasyz etýdi jáne bólshek saýda ústemesine monıtorıń júrgizýdi tapsyrdy. Sondaı-aq, Básekelestikti qorǵaý jáne damytý agenttigine baǵalyq sóz baılasýdy baqylaýdy, Qarjylyq monıtorıń agenttigine zańsyz qant satýshylardyń jolyn kesýdi, onyń ishinde áleýmettik jeliler men qosymshalar arqyly satýdy boldyrmaýdy, sondaı-aq qant jetkizý arnalaryn baqylaýǵa alýdy mindettedi.