Mamandar kelissóz júrgizdi.
Qazaqstan Respýblıkasy Sybaılas jemqorlyqqa qarsy is-qımyl agenttiginiń tóraǵasy Oljas Bektenov Ortalyq Azıa boıynsha arnaıy ókil Terı Hakal bastaǵan Eýroodaq delegasıasymen kelissóz júrgizdi, dep habarlaıdy Almaty-akshamy.kz.
«Kezdesý barysynda ANTIKOR basshysy delegasıany 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasynyń negizgi baǵyttarymen tanystyrdy. Atap aıtqanda, taraptar zańsyz baıý úshin zańnamalyq jaýapkershilikti engizý jáne kirister men shyǵystardy jalpyǵa birdeı deklarasıalaý máselelerin talqylady», - delingen Sybaılas jemqorlyqqa qarsy is-qımyl agenttiginiń baspasóz qyzmetiniń habarlamasynda.
Jıyn barysynda bıznesti qorǵaý máseleleri de saralandy.
Eýropalyq áriptester eldiń sybaılas jemqorlyqqa qarsy saıasatynyń ekpinin oń baǵalap, GREKO-nyń Halyqaralyq sybaılas jemqorlyqqa qarsy standarttary men ozyq tájirıbelerine sáıkestigine erekshe umtylysyn atap ótti.
Damýdyń mańyzdy vektory Qazaqstannyń sybaılas jemqorlyq úshin qylmystyq jaýapkershilik týraly Eýropa Keńesiniń Konvensıasyna qosylýǵa daıyndyǵy atap ótildi.
«Agenttiktiń eýropalyq seriktestermen ózara is-qımyl máselelerinde ashyqtyǵy men daıyndyǵyn erekshe atap ótkim keledi. Biz óz tarapymyzdan Qazaqstannan Eýropaǵa shyǵarylǵan aktıvterdi qaıtarý týraly suranystarǵa qoldaý kórsetýge daıynbyz», - dedi Terı Hakala óz sózinde.
Kezdesýde qańtar oqıǵalaryna baılanysty azaptaý týraly málimdemelerge qatysty isterdi tergeý máselesi qarastyryldy.
«Qazirgi ýaqytta 171 is aıaqtaldy. 177 is boıynsha tergeý jalǵasýda. Stambýl hattamasynyń barlyq talaptary saqtalýda», - dep túıindedi Oljas Bektenov.