Perspektıvaly aýyldyq eldi mekenderde mobıldi ınternettiń sapasy jaqsarady
Bul týraly Úkimettiń keńeıtilgen otyrysynda QR Premer-Mınıstri Álıhan Smaıylov málimdedi, dep habarlaıdy Almaty-akshamy.kz.
«Perspektıvaly aýyldyq eldi mekenderde «sıfrlyq teńsizdikti» boldyrmaý úshin mobıldi ınternettiń sapasy arttyrylatyn bolady. Sondaı-aq iri qalalarda 5G baılanys tehnologıalaryn iske qosý jáne shalǵaı eldi mekenderdi ınternetpen qamtamasyz etý úshin geostasıonarlyq emes spýtnıktik júıelerdiń jumysy josparlanýda», - dedi Álıhan Smaıylov.
Ol sondaı-aq týrızm salasynda el aýmaǵyndaǵy negizgi týrısik destınasıalarda ınvestısıalyq jobalardyń iske asyrylatynyn atap ótti. Karantındik shekteýlerdiń alynyp tastalýyna qaraı, aǵymdaǵy jyly 500 myńǵa jýyq syrttan keletin týrıserdi tartý josparlanýda. Logıstıka jáne saýda salasynda transshekaralyq habtardy damytýdyń biryńǵaı strategıasy qabyldanady, sondaı-aq ulttyq elektrondyq saýdany yntalandyrý jónindegi sharalardy iske asyrý josparlanyp otyr.
«Magıstraldyq temirjol jelileriniń ótkizý qabileti artady, sondaı-aq logıstıkalyq qyzmetterdiń quny tómendeıdi», - dep qosty Álıhan Smaıylov.