Osy maqsatta pılottyq joba iske qosylǵan.
Qazirgi tańda daıyndyq jumystary júrgizilip jatyr. Bıyl Ulttyq bank paıda men shyǵyndy eseptep, sıfrlyq teńgeni engizý boıynsha sońǵy sheshimdi qabyldaıdy. Bul týraly Ulttyq bank tóraǵasy Ǵalymjan Pirmatov aıtty, dep habarlaıdy Almaty-akshamy.kz Inbusiness.kz silteme jasap.
Onyń aıtýynsha, 2021 jylǵy qarashada ulttyq tólem júıesiniń quramdas bólikteri bolyp sanalatyn kartochkalyq tranzaksıalardy óńdeýge arnalǵan tólem kartochkalarynyń bankaralyq júıesi jáne mobıldik onlaın tólemderge qyzmet kórsetýge arnalǵan jedel tólemder júıesi pılottyq rejımde iske qosylǵan.
«Ulttyq tólem júıesiniń jumys isteýi úshin qajetti normatıvtik-quqyqtyq baza ázirlendi. Bıyl 1 shildege qaraı ony tolyq iske qosýdy josparlap otyrmyz», - dedi Ǵalymjan Pirmatov.
Ótken jyly Ulttyq Bank sıfrlyq teńgeni engizý úshin pılottyq jobany iske qosqan.
«Búginde platformanyń prototıpin ázirleý aıaqtaldy. 2021 jylǵy jeltoqsanda pılottyq jobanyń nátıjeleri boıynsha qorytyndy baıandama jarıalandy. Bıyl paıda men shyǵyndy eseptep, sıfrlyq teńgeni engizý modeli boıynsha qorytyndy sheshim shyǵarylady», - dedi Ulttyq bank tóraǵasy.