Sıfrlyq damý, ınovasıalar jáne aeroǵarysh ónerkásibi mınıstrligi Senatqa 2012 jyly qabyldanǵan halyqaralyq standartqa ózgerister engizý týraly ótinim bergen.
Bas-aıaǵy 82 krıterıı usynyldy. Oǵan saı biryńǵaı veb-portal qurylmaqshy. 1-2 jylda ózge uıymdar saıttaryn jańartyp, ıntegrasıaǵa beıimdelýge tıis. Qazir zaǵıp jandar qajetti málimetterdi ekrandyq dıktor arqyly tyńdaıdy. Al halyqaralyq standart boıynsha arnaıy buıryq qarashanyń sońynda shyǵarylady, dep habarlaıdy Almaty-akshamy.kz.
«Qazirgi kezde sıfrlyq damý mınıstrligi sıfrlyq kodeksti ázirlep jatyr. Osy sıfrlyq kodekske biz jańaǵy atap ótken standarttardyń paıdalanýyn mindettegimiz keledi. Qazirgi jaǵdaıdy alatyn bolsaq, bankter, basqa da komersıalyq uıymdar halyqaralyq standartty paıdalanbaıdy. Óıtkeni ony paıdalaný zańdy túrde mindettelmegen ǵoı. Sondyqtan, osy mindetteýdi kodeks arqyly júktesek, bizdiń bankter, basqa da uıymdar, ózderiniń saıttaryn jańartyp, kózi nashar kóretin, zaǵıp jandarǵa arnap jasaýy kerek», - deıdi QR Sıfrlyq damý, ınovasıalar jáne aeroǵarysh ónerkásibi mınıstrlginiń departament dırektory Úmitjan Aryqbekova.