Atap aıtqanda, 2022 jyldyń 1 mamyryna deıin jańa pisken nemese tuqymdyq kartopty áketýge shekteý engiziledi.
QR Aýyl sharýashylyǵy mınıstri 2022 jylǵy 18 aqpandaǵy «Qazaqstan Respýblıkasynyń aýmaǵynan jekelegen taýarlardy áketýdiń keıbir máseleleri týraly» buıryqqa qol qoıdy, dep habarlaıdy Almaty-akshamy.kz
Jańa pisken kartopqa 144 500 tonna, tuqymǵa - 57 500 tonna kvota belgilengen.
Sondaı-aq, sandyq shekteýlerdi bólý qaǵıdalary bekitildi.
Qaǵıdalarǵa sáıkes, QR ASHM shekteýler engizilgen kúnnen bastap bir jumys kúni ishinde óziniń ınternet-resýrsynda 2022 jylǵy aqpan-sáýir aılarynda respýblıka aýmaǵynan taýarlardy áketýge kvota alýǵa ótinimder qabyldaý týraly habarlandyrý ornalastyrady.
Habarlandyrýda taýardyń ataýy, bólinetin kvotanyń kólemi, bir ótinish berýshige jol beriletin lımıt, tirkelgen baǵany kórsete otyryp, Qazaqstannyń ishki naryǵyna jańa pisken nemese tońazytylǵan (tuqymdyq kartopty qospaǵanda) kartopty kepildi jetkizýdiń kólemi, kvota alý úshin qajetti qujattardyń tizbesi, ótinimderdi qabyldaýdyń bastalý jáne aıaqtalý kúni men ýaqyty, ýákiletti organnyń zańdy mekenjaıy, ýákiletti organ keńsesiniń elektrondyq mekenjaıy kórsetiledi.
Osydan keıin ASHM bólinetin kvotanyń kólemine baılanysty bir ótinish berýshige 3 000 tonnadan aspaıtyn mólsherde taýardy áketýdiń jol beriletin lımıtin belgileıdi.
Kartopty áketýge kvota alý úshin ótinim beriledi.
Ótinimge kelesi qujattar qosa beriledi:
- Taýarlardy áketý júzege asyrylatyn kelisimsharttardyń kóshirmeleri;
- Jańa pisken nemese tońazytylǵan kartoptyń (tuqymdyq kartopty qospaǵanda) bolýyn rastaıtyn, saqtalatyn kartoptyń jalpy kólemi men saqtaý obektisiniń ornalasqan jeriniń mekenjaıy kórsetilgen qujat;
- «Aýyl sharýashylyǵy daqyldarynyń túsimin jınaý týraly» jalpymemlekettik statısıkalyq baıqaýdyń statısıkalyq nysanynyń kóshirmesi;
- Aýyl sharýashylyǵy taýaryn óndirýshiniń atynan jańa pisken nemese tońazytylǵan jáne tuqymdyq kartopty áketken jaǵdaıda aýyl sharýashylyǵy taýaryn óndirýshiden eksporttaýshy kontragent týraly nemese ótinish berýshi zańdy tulǵanyń affılıırlengeni týraly rastaý hat.
Bul rette aýyl sharýashylyǵy taýaryn óndirýshi kontragent-eksporttaýshyǵa ne úlestes zańdy tulǵaǵa bir ǵana rastaý-hat beredi.
Buıryq 2022 jylǵy 22 aqpannan bastap 2022 jylǵy 1 mamyrǵa deıin qoldanysqa engiziledi.