Sottalǵan adamnyń bas bostandyǵynan aıyrý ornyndaǵy eń jaqyn janashyry – jasaq bastyǵy.
Almatyda úzdik jasaq bastyǵy anyqtaldy, dep habarlaıdy Almaty-akshamy.kz Polisia.kz-ke silteme jasap.
Jazaly adamdardyń qoǵamǵa qaıtadan qalypty azamat bolyp oralýyna eń kóp eńbek sińiretin de jasaq bastyǵy. Osyndaı jaýapty jumystyń júgin arqalap júrgen jasaq bastyqtarynyń arasynda jyl saıyn «Úzdik jasaq bastyǵy» degen konkýrs uıymdastyrylyp turady.
Konkýrstyń maqsaty – jasaq bastyǵynyń sottalǵandar arasyndaǵy moraldyq-psıhologıalyq ahýaldy jaqsartý, olarmen tárbıe jumysynyń sapasyn arttyrý jolyndaǵy kásibı sheberligin shyńdaý.
Bıylǵy konkýrsta jasaq bastyqtary jasaqtaǵy tárbıe jumysyn uıymdastyrýdan, sabaq ótkizýden, jasaq bastyǵynyń jumys bólmesin, tárbıe jumysyna arnalǵan bólmeni, sottalǵandardyń jatyn bólmelerin bezendirýdiń jańa ádisteri týraly túsirilgen beınerolıkterin synǵa saldy. Sondaı-aq, konkýrsqa qatysýshylar medısınalyq jáne kásibı daıarlyqtary boıynsha da jarysqa tústi.
Konkýrstyń sońǵy kezeńinde jasaq bastyqtary án shyrqap, kúmbirlete kúı tartty, tebirene óleń oqydy. Konkýrs qorytyndysy boıynsha jeńimpaz atanǵan LA-155/6 mekemesiniń jasaq bastyǵy Bekzat Jaqanov aldaǵy ýaqytta konkýrstyń Qostanaı qalasynda ótetin úshinshi kezeńine qatysyp, baq synaıtyn bolady.