Onyń tek 8% polıgondarǵa shyǵarylyp, qaıta óńdeledi.
Al turmystyq qoqystyń 21% jáne ónárkásip qaldyqtarynyń 38% ǵana paıdaǵa jaratylady, dep habarlaıdy Almaty-akshamy.kz 24.kz-ke silteme jasap.
Bul týraly VII Eýrazıalyq jańartylatyn energıa jáne qaldyqtardy qaıta óńdeý bıznes forýmynda aıtyldy. Halyqaralyq jıynǵa Ekologıa jáne tabıǵı resýrstar mınıstrliginiń ókilderi, AQSH pen Germanıanyń Qazaqstandaǵy elshileri jáne Eýropalyq Odaqtan, kórshi Qyrǵyzstan men Tájikstannan kelgen qurmetti meımandar qatysty. Spıkerler saladaǵy ınovasıalyq tehnologıalar týraly aıtyp, sátti tájirıbelerin usyndy.
«Birinshi kezekte qoqysty shyǵarý, suryptaý jáne qaıta óńdeý boıynsha qatań zań normalary qajet. Ekinshiden, ınfraqurylymdy damytý kerek. Turmystyq qaldyqtardy suryptaýǵa arnalǵan konteınerlerdiń kóp bolǵany jón. Bul máselede barlyq jaýapkershilik ákimdikterge júkteledi. Úshinshiden halyqtyń mádenıetin arttyrý qajet. Tórtinshiden, logıstıka. Eýropada qalalar bir-birine jaqyn ornalasqan. Qazaqstandaǵy oblys ortalyqtarynyń ara qashyqtyǵy tym alys. Onyń ústine qalaaralyq jol sapasy kóńil kónshitpeıdi», - deıdi Qazaqstandyq qaldyqtardy basqarý qaýymdastyǵy dırektorynyń orynbasary Aıjan Rysqulova.