Prezıdent tapsyrmasyna saı, elimizdegi jas ǵalymdar baspanamen qamtyla bastady.
Ǵylym jáne joǵary bilim mınıstrligi qabyldaǵan «Jas ǵalym» baǵdarlamasy sheńberinde semeılik Nazerke Múslımova elimizde alǵash bolyp baspana kiltine ıe boldy, dep habarlaıdy Almaty-akshamy.kz.
Bilikti maman Shákárim ýnıversıtetinde tamaq óndirisin ǵylymı turǵyda jetildirý boıynsha jyldar boıy túrli zertteýlerdi iske asyryp keledi. Birneshe jobanyń avtory. Jas ǵalymdardy baspanamen qamtý baǵdarlamasy Otbasy bank pen Mınıstrlik arasyndaǵy kelisim aıasynda iske asqan. Baǵdarlamaǵa qatysýshynyń jasy 40 tan aspaýy tıis. Ǵylymı-zertteý jumys ótili 3 jyl jáne dárejesi magıstrden tómen bolmaýy kerek.
«Jas ǵalym» baǵdarlamasy arqyly aldym. Barlyq qujattardy rásimdeýge onshaqty kún ǵana ketti. Jańa jyldyń qarsańynda bizge tosyn syı boldy. Qazir Qazaqstanda jas ǵalymdardy qoldaý mınıstrlik tarapynan óte jaqsy júrip jatyr. Áriptesterimniń barlyǵyna osyndaı múmkindikti qoldanyp, ózderiniń baspanalaryn alýǵa tilektespin», - dedi tehnıka ǵylymdarynyń magıstri Nazerke Músilimova.