Almaty oblysynyń tótenshe jaǵdaılar departamenti jáne «Qazseldenqorǵaý» MM İle-Alataý fılıaly qar kóshkininiń júrý qaýpi týraly eskertý jasady.
Málim bolǵandaı, Almaty oblysynyń taýlarynda 2024 jyldyń 3 qańtaryna deıin kóshkin qaýpi saqtalady. Osyǵan oraı, qutqarýshylar azamattardan, týrıser men demalýshylardan qar kóshkinin týdyrýy múmkin bolǵandyqtan qarly betkeılerge shyqpaýdy, sondaı-aq taýly jerlerde barlyq qaýipsizdik sharalaryn saqtaýdy surady, dep habarlaıdy Almaty-akshamy.kz.
«Taýlarda qar deńgeıiniń edáýir ósýine baılanysty (25 sm – den artyq) - Almaty obylysynyń aýmaǵynda qar kóshkini qaýpi joǵary. Joǵaryda aıtylǵandardyń negizinde taýlarǵa barýdan bas tartýdy, taýlardyń qarly betkeılerine shyqpaýdy usynamyz», - dep habarlady «Qazseldenqorǵaý» MM İle-Alataý fılıaly.
«Eger siz qandaı da bir sebeptermen taýly jerde bolsańyz, qar kóshkinin týdyrmas úshin taýlardyń qarly betkeılerine barmańyz. Eger sizge kómek qajet bolsa, 112 nómirine dereý qońyraý shalyńyz» - delinedi Almaty oblysy TJD habarlamasynda.
Aıta keteıik, Almaty oblysynyń aýmaǵynda İle-Alataý taý jotasynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar. Negizinen qar kóshkininiń túsýi temperatýra fonynyń joǵarylaýyna jáne jańbyr men qar túrinde mol jaýyn-shashynnyń túsýine baılanysty bolady.