Joldaýdy qoldaý.
Prezıdenttiń Joldaýyna qatysty el jurtshylyǵy pikirlerimen bólisýde. Ekonomıka ǵylymdarynyń kandıdaty, dosent Nursáýle Birimbetova tómengi jalaqyny kóterý máselesin qoldap otyr.
«Eldiń qulaǵyna jyly estilgeni - ol eń tómengi jalaqyny 70 myńǵa deıin jetkizý kerek degeni. Keshe men telearnaǵa orys tilinde suhbat bergem. Biz pandemıanyń lokdaýn kezinde eki jyl otyrǵanda 42500 aldyq. Sol aqshaǵa kóp el sol kezde ómir súrdi. Óıtkeni kóp adam sol kezde jumyssyz júrdi. Sondaı kezde 42 myńǵa da ómir súretin kez bolady eken-aý dep oılaǵanbyz. Al endi qazir 70-ke kóbeıtip otyr. Keıbireýler aıtady, 70 degen az, odan da kóbeıtý kerek edi dep. 70 degen qazirgi jaǵdaıda eń oılanyp jasalǵan kólem. Tómengi jalaqyny ulǵaıtsa, basqa deńgeıdegi jalaqyny kóbeıtý kerek. Onyń bári qarjy. Negizinen búdjettiń tolysýy ekonomıkamen baılanysty», - deıdi Ekonomıka ǵylymdarynyń kandıdaty, dosent Nursáýle Birimbetova.