Búgin Bas sanıtar dáriger jańa qaýlyǵa qol qoıǵan bolatyn
QR Bas sanıtar dárigeri Erlan Qıasovtyń Ashyq jobasy boıynsha jańa qaýlysynda nysandardyń jumysyna qatysty tıisti rejım belgilendi, dep habarlaıdy Almaty-akshamy.kz
Bul turǵyda Ashyq jobasyn engizý jáne iske asyrý jalǵastyrylatyn nysandar aıqyndaldy. Osy oraıda qujatta adamdar kóptep jınalatyn 40-qa jýyq nysan belgilengen.
«Osy qaýlyǵa 4-qosymshaǵa sáıkes Ashyq jobasyna qatysatyn obektiler úshin jumys jáne demalys kúnderi mynadaı jumys rejımin:
- «qyzyl» jáne «qońyr qyzyl» aımaqtarda ornalasqan óńirlerde – saǵat 00.00-ge deıin, «Ashyq» jobasynyń kóshbasshylary úshin – saǵat 02.00-ge deıin;
- «sary» aımaqtaǵy ornalasqan óńirlerde – saǵat 01.00-ge deıin, «Ashyq» jobasynyń kóshbasshylary úshin – saǵat 03.00-ge deıin;
- «jasyl» aımaqta ornalasqan óńirlerde – saǵat 03.00-ge deıin, «Ashyq» jobasynyń kóshbasshylary úshin – saǵat 05.00-ge deıin belgileýdi qamtamasyz etý bekitilgen.
«Demalys kúnderi qyzmetkerler men kelýshilerde qaýipsiz «jasyl» mártebe bolǵan jaǵdaıda (vaksınasıalaý, synama alǵan sátten bastap 7 táýlikten aspaıtyn teris nátıjesi bar PTR testtiń bolýy, KVI-ge qarsy vaksınasıalaýǵa turaqty medısınalyq qarsy kórsetilimderdiń bolýy nemese KVI-men aýyryp jazylǵan adamdar sońǵy 3 aı ishinde) obektilerdiń jumys isteýine jol beriledi», - delingen qujatta.
Osy qaýly 2022 jyly 5 qańtardan bastap kúshine enedi.