Bul týraly QR Tótenshe jaǵdaılar mınıstri Iýrıı Ilın málim etti, dep habarlaıdy Almaty-akshamy.kz Ulysmedia.kz-ke silteme jasap.
«Sý tasqyny jaǵdaıynyń qolaısyz damýy kezinde sý basý aımaǵynda 255 eldi meken bolýy múmkin, bul 127 myńnan astam úı jáne 700 myńnan astam azamat», – dedi mınıstr Úkimettiń búgingi otyrysynda.
Onyń aıtýynsha, 2023 jylǵy sý tasqyny kezeńinen qaýipsiz ótýge daıyndyq aıasynda bıliktiń barlyq deńgeıinde úlken jumys júrgizildi.
«Ońtústik aımaqtarda qar erýiniń bastalýyna sanaýly kún qaldy. Qazir barlyq kúsh-jiger aldyn alý sharalary men sý tasqynyna daıyndyqqa baǵyttalǵan. Bıylǵy eki aıda 15,1 shaqyrym ýaqytsha bógen salyndy, 24 shaqyrymǵa jýyǵy jóndeldi, 16 shaqyrymnan astam ýaqytsha bóget, sondaı-aq eldi mekenderdiń aınalasynda 41 shaqyrym bilik turǵyzyldy», - dedi Ilın.
Sondaı-aq, mınıstr 5 myń shaqyrymǵa jýyq kanaldar men aryqtar, avtomobılder jáne temir joldar astynda 8,5 myńnan astam sý ótkizý qurylystary tazartylǵanyn aıtty.