Prezıdent Jarlyqqa qol qoıdy.
Memleket basshysy Qasym-Jomart Toqaev ekonomıkanyń naqty sektoryn nesıelendirýdi keńeıtý jáne halyqtyń qaryz júktemesin azaıtý sharalary týraly jarlyqqa qol qoıdy, - dep habarlaıdy Almaty-akshamy.kz
Ekonomıkanyń naqty sektoryn qoljetimdi jáne turaqty qarjylandyrýdy qamtamasyz etý jáne halyqtyń qaryz júktemesin azaıtý maqsatynda Memleket basshysy mynadaı sheshim qabyldady.
Úkimet Ulttyq Bankpen jáne Qarjy naryǵyn retteý jáne damytý agenttigimen birlesip:
Biryńǵaı jınaqtaýshy zeınetaqy qoryna salymshylardyń jınaqtalǵan zeınetaqy qarajatynyń elý paıyzyna deıin ınvestısıalyq basqarýshy kompanıalarǵa aýdarý bóliginde quqyqtaryn keńeıtý jóninde sharalar qabyldasyn;
2023 jylǵy 31 jeltoqsanǵa deıin ekinshi deńgeıdegi bankter men kredıttik búrolardy zańdy tulǵalar, olardyń kiristeri men múlki týraly memlekettik derekter bazalarymen ıntegrasıalaýdy qamtamasyz etsin.
Úkimet Ulttyq Bankpen jáne Básekelestikti qorǵaý jáne damytý agenttigimen birlesip 2023 jylǵy 1 mamyrǵa qaraı "Qarapaıym zattar ekonomıkasy" baǵdarlamasynyń sharttaryn qaıta qaraıdy, onyń ishinde:
ekonomıkanyń basym salalarynda baǵdarlama boıynsha syıaqy mólsherlemelerin sýbsıdıalaý merzimin 5 jyldan 7 jylǵa deıin ulǵaıtý;
ekonomıka salalarynyń basymdylyǵyna qaraı saralanǵan sýbsıdıa mólsherlemelerin belgileý.
Úkimet Qarjy naryǵyn retteý jáne damytý agenttigimen birlesip:
2023 jylǵy 30 sáýirge deıin sındıkattalǵan qarjylandyrý jáne ekinshi deńgeıdegi banktermen birlesip qarjylandyrý arqyly ınvestısıalyq jobalar pýlyn iske asyrý boıynsha jol kartasyn qabyldaý;
2023 jylǵy 30 qyrkúıekke deıin: ýaqytsha jer paıdalaný quqyǵyn kepil ustaýshyǵa berý jáne ony keıinnen jer paıdalaný quqyǵyn satyp almaı júzege asyrý; strategıalyq obektilerdi qospaǵanda, kásipkerlik sýbektileriniń jer qoınaýyn paıdalaný quqyǵyn satý jónindegi konkýrstarǵa jer qoınaýyn paıdalaný salasyndaǵy ýákiletti organnyń mindetti ruqsatynsyz qatysý;
salyq saıasaty tásilderiniń myna bólikterin qaıta qaraý: Ulttyq Banktiń notalary boıynsha bank tabysyna salyq salý; jeke tulǵalardyń mıkrokredıtteri boıynsha bereshegin esepten shyǵarýǵa (keshirýge) baılanysty mıkroqarjy uıymdarynyń kiristerine salyq salýdan ýaqytsha (úsh jylǵa) bosatý; kolektorlyq agenttikter bereshekti esepten shyǵarǵan (keshirgen) jaǵdaıda jeke tulǵalardyń kiristerine salyq salýdan bosatý.
Úkimet 2023 jyl 31 jeltoqsanǵa deıin:
astyq qolhattary aınalymynyń elektrondyq monıtorıńiniń tıimdiligin arttyrý jáne astyq kólemi men aınalymy týraly senimdi aqparat alý prosesterin sıfrlandyrý arqyly astyq qoımalaryndaǵy (sılostar men astyq qabyldaý pýnktteri) astyq kólemi men sapasynyń saqtalýyn qamtamasyz etý boıynsha sharalar qabyldaý;
Qarjy naryǵyn retteý jáne damytý agenttigi Ulttyq Bankpen birlesip, kvazımemlekettik sektor sýbektileriniń kepildigi bar astyq qolhattarynyń berik kepildikter sanatyna qosylýyn qamtamasyz etsin;
Qazaqstan Respýblıkasy Básekelestikti qorǵaý jáne damytý agenttigimen birlesip kásipkerlikti jeńildetilgen lızıńtik qarjylandyrýdy kózdeıtin memlekettik qoldaý sharalary sheńberinde respýblıkalyq búdjettiń jáne (nemese) kvazımemlekettik sektordyń qarajaty esebinen senimdilik krıterıılerine sáıkes keletin jeke lızıńtik kompanıalardy jeńildetilgen kredıtteýdi ulǵaıtý máselesin pysyqtasyn.
bankterge jáne mıkroqarjy uıymdaryna kredıt berýdi ulǵaıtý, "Báıterek" ulttyq basqarýshy holdıńiniń uıymdarynan agroónerkásiptik keshen jáne tamaq ónerkásibi salalaryndaǵy jobalardy qosa qarjylandyrý tetikterin keńeıtý boıynsha sharalar qabyldasyn.