Dúnıejúzilik týrısik uıymnyń málimetinshe, jyl saıyn ekotýrıster kóbeıip keledi.
Qazaqstanda da jaz maýsymynda tabıǵat aıasynda tynyǵýshylar artqan, dep habarlaıdy Almaty-akshamy.kz.
Qazaqstan ulttyq arna tilshileri óńirlerdegi turǵyndar pikirin bilgen eken. Kópshiligin demalys oryndarynda adamdardyń qoqystaryn tazalamaı ketetini qynjyltady eken.
«Tálim-tárbıemiz kishkene az bolǵannan ba, qoqystardy kóp kóresiń. Keı kezde bolady, bala-shaǵamen baryp, sońynan jınap júresiń. Qazaqstanymyz - úıimiz ǵoı bul. Ózimizdiń Otanymyzdy syrttan kep bireý tazalap bermeıdi.
Bárin aıtpaımyn olaı, biraq bolyp turady, ondaı jaǵdaılar. Qoqys shashyp ketedi, birdeńe tógip ketedi. Sondaı turǵyndarǵa kishkene baqylaý jasasa, aıyppul salsa, mádenıet qalyptasady dep oılaımyn.
Mysaly, demalys oryndaryna barǵanda adamdardyń keıbiri ishimdik ishedi, bótelkeler synady, shyny qyzyp órt, ártúrli jaǵdaılar týyndaıdy. Endi barlyǵy emes, 100 paıyz dep aıtpaımyn, bir 30 paıyz shyǵar. Árbir adam óziniń demalǵan jerin jınap, rettep ketý kerek», - deıdi pikir bildirgender.