Bıylǵy 5 aıda Qazaqstanda 19,7 myń tonna balmuzdaq pen taǵamdyq muz óndirildi.
Ulttyq statısıka búrosynyń málimetinshe, ótken jyldyń qańtar-mamyrymen salystyrǵanda bul 38,1% artyq.
Jalpy 2022 jyly Qazaqstanda 41,3 myń tonna balmuzdaq óndirildi, dep habarlaıdy Almaty-akshamy.kz.
Osy rette 9,2 myń tonna ónim ımporttalǵan, syrttan ákelinetin ónimniń úles salmaǵy – 18,3%. Ózge elderden balmuzdaq jiberetin elderdiń alǵashqy úshtigine Reseı (5,6 myń tonna), Qyrǵyzstan (2,1 myń tonna) jáne Túrkıa (911,5 tonna) kiredi. Sondaı-aq ótken jyly balmuzdaq Belarýs, Ýkraına, Belgıa, Fransıa, Italıa, Shveısarıa jáne Koreıadan ákelindi.
«Ótken jyldyń 12 aıynda 5 myń tonna balmuzdaq eksporttaldy. Qazaqstannan ónim TMD elderine (4,9 myń tonna), sondaı-aq Mońǵolıaǵa (72,6 tonna) jiberilgen», - dep jazdy vedomstvodan.