«Ahyska» túrik mádenı ortalyǵy tóraǵasynyń orynbasary, tanymal qoǵam qaıratkeri Qazaqbaı Qasımov T.Qabylov kóshesindegi №50-úıde ornalasqan №407 saılaý ýchaskesine baryp, respýblıkalyq referendýmda daýys berdi.
– Konstıtýsıalyq reforma, bul – demokratıalyq qoǵamnyń asa mańyzdy kórinisteriniń biri. Saıası reformanyń negizi hám maqsaty – búgingi saıası júıemizdi túbirimen ózgertý. Atap aıtqanda, sýperprezıdent basqarý úlgisin túbegeıli ózgertý, bılik ókilettiliginiń tarmaqtaryn qaıta bólý, Parlamenttiń rólin kúsheıtý mártebesin arttyrý, eldi basqarý isine halyqtyń qatysý múmkindigin keńeıtý, azamattardyń quqyqtaryn qorǵaý tásilderin qorǵaý az da bolsa jetkizý. Bul aýqymdy ózgerister el tarıhyndaǵy asa mańyzdy qadam. Sebebi, Ata Zańymyzǵa engiziletin ózgerister men tolyqtyrýlar halyqtyń talap-tilegi arqyly júıege asady. Búgingi ótkizilip jatqan referendým «Jańa Qazaqstannyń» jańa serpilisine, saıasat, mádenıet, ekonomıka salasynda halqymyzdyń áleýmettik jaǵdaılaryna septigin tıgizetinine senimdimin. Máńgilik qazaq eliniń ańsaǵan armany men kózdegen maqsatyn osy Konstıtýsıamyz pash etsinshi dep tileımin. Men de mine óz saılaý ýchaskeme kelip tańdaýymdy jasap, daýys berdim. Qazaqstannyń bolashaǵy jarqyn bolǵaı!