Saılaýǵa qatysyp, daýys berý azamattarǵa bılik organdaryna óz múddesin bildirýge múmkindik beredi. Mundaı pikirdi «Ǵylym ordasy» RMK bas dırektorynyń orynbasary, tarıh ǵylymdarynyń kandıdaty Nurlan Seıdın aıtty.
«Qazaqstan halqyna sanaly saıası tańdaý jasaýǵa konstıtýsıalyq quqyq berildi. Búletenderdi ýrnaǵa sala otyryp, biz halyqtyq Parlamentti, halyq qamyn jeıtin máslıhattardy quramyz», – dedi Nurlan Seıdın.
Tarıh ǵylymdarynyń kandıdaty Májilis pen máslıhattarǵa saılaý Memleket basshylyǵy júıesin jańǵyrtýdyń túıini bolatynyn atap ótti.
«Keıingi jyldary saıası jáne konstıtýsıalyq reformalar sheńberinde bılik ókilettikterin Parlamenttiń rólin arttyrý jaǵyna qaıta bólý júrgizildi. Saıası partıalardyń, qoǵamdyq birlestikterdiń róli kúsheıip, sot júıesi jańǵyrtylýda», – deıdi Nurlan Seıdın.
Saıasattanýshy belsendiliktiń mańyzdylyǵyn atap ótti. Nurlan Seıdınniń aıtýynsha, azamattar el bolashaǵyna óz úlesin qosa alatyn múmkindigin jiberip almaýǵa tıis. Iaǵnı árqaısysymyz daýys berýden shet qalmaýymyz kerek.
«Biz bolashaǵymyzdy josparlaıtyn naýqandy syrttaı ǵana baqylap otyrmaýymyz qajet. Qazaqstannyń keleshegi týraly sóz bolǵanda belsendiligimiz aýadaı kerek. Eldiń keleshegi – óz qolymyzda. Eger siz óz elińizdiń sanaly, belsendi azamaty bolsańyz, shette qalmańyz jáne bul meniń azamattyq ustanymym», – dedi Nurlan Seıdın.