Almatyda zapastaǵy ofıserlerdiń áskerı jıyny ótýde
Oqý-jattyǵý Qorǵanys mınıstrliginiń qoldaýymen 61993 áskerı bóliminiń İle oqý polıgony bazasynda 4 jyldan beri ótkizilip keledi. 100-den astam zapastaǵy ofıser oqý-ádistemeden ótti. 30 kúndik áskerı sabaqqa leıtenanttardan bastap maıorlarǵa deıingi zapastaǵy ofıserler qatysady. Olar urys kezindegi jedel taktıkalyq daıarlyqty, AKS 74, PM-9 tapanshasynan nysanaǵa kózdep atý men atys kezindegi tájirıbelik sabaqtardan ótedi. Ofıserlerge QR QK BSHB-nan qazirgi laýazymdy tulǵalar sabaq júrgizedi. Olar kelesi jyly da erikti azamattardy qabyldaýǵa daıyn.
Jyl saıyn josparly túrde ótetin sharada 1 aı ishinde áskerıler tájirıbelik daǵdylaryn jetildiredi.
«Áskerı qyzmet jáne áskerı qyzmetshilerdiń mártebesi týraly» 2012 jylǵy 16 aqpandaǵy Qazaqstan Respýblıkasy Zańynyń 33babynyń 1tarmaqshasyna sáıkes áskerlerdiń árbiri ofıserlik jıyndar ótkizedi. Bıyl oqýjattyǵý polıgonynda 36 ofıser qabyldanǵan. Olardyń arasynda elimizdiń Qarýly Kúshterinde buryn qyzmet etken qyzmetkerler de bar. 61 993 bóliminiń bazasynda jıyndarǵa kelgen desanttyq shabýyldaý áskerleri kıim, qarýjaraq, t.b. barlyq qajetti zatpen qamtamasyz etiledi. Jıyn kezinde olarǵa jumys oryndaryndaǵy jalaqy Qorǵanys mınıstrliginiń esebinen beriledi.
Aıta ketetin jáıt, mundaı áskerı jatty ǵý jıyndaryna kez kelgen azamat qatysa alady.
Rasýl ZAKIROV, №61993 áskerı bólim basshysynyń orynbasary, podpolkovnık:
- Zapastaǵy ofıserlerdiń áskerı jıyndary İle oqý polıgony bazasynda QR Qurlyqtaǵy áskerı desant shabýyldaýshy áskerleri qolbasshysynyń bekitýimen 25 shildeden bastalyp, 25 tamyzǵa deıin ótedi. Jıyndar aıaqtalǵannan keıin olarǵa kezekti áskerı ataq beriledi.
Mamandyqtarǵa sáıkes árbir áskerı mindetti ofıser áskerı beıinniń negizgi pánderi boıynsha qajetti bilim men tájirıbe alyp shyǵady. Jedeltaktıkalyq daıyndyq, Memlekettik qupıalardy qorǵaý, moraldyqpsıhologıalyq qamtamasyz etý, áskerı pedagogıka jáne psıhologıa, áskerı topografıa jáne t.b. pánderden sabaq alady.
Aıdyn NURLANULY, zapastaǵy leıtenant:
- Oqýjattyǵý Qorǵanys isteri basqarmasynyń jınaqtaýy arqyly júrgiziledi. Qazirgi tańda «Qaraoı» oqýjattyǵý polıgonynda oqýjattyǵý ótkizýdemiz. Basty maqsat – áskerı biliktilikti arttyrý, ártúrli oqýjattyǵýdaǵy meńgergen tájirıbeni jetildirý. Ótkizilgen áskerı jattyǵýlardyń basym kópshiligi urys taktıkasyna baǵyttalǵan. Polıgonǵa kelgenimizge 3 apta boldy. Oq dáriler, jatyn oryn, tamaq kazarmada tolyǵymen jabdyqtalǵan. Leıtenanttan bastap, maıor shenine deıingi zapastaǵy ofıserler 1 aı kóleminde oqýjattyǵýdan ótetin bolady. Biliktiligi joǵary ofıserlerden kóp nárse úırendik.
Aıbek BAQYTULY, jumyldyrý rezervin daıyndaý oqý ortalyǵynyń oqytýshysy, kapıtan:
- QR Qarýly kúshteri desanttyq shabýyldaýshy áskerleri qolbasshysynyń jedel haty boıynsha jumyldyrý rezervin daıyndaý oqý ortalyǵynyń jeke quramy zapastaǵy ofıserlerdi daıyndaýda. Jeke quram AK 74 qarýynan 4baqylaý atý jattyǵýyn, ekinshi oqý núktesi PM9 tapanshasynan oqý jattyǵý oryndaıdy. Áskerı kafedra bitirgen joǵary bilimdi ofıserler, kezinde kelisimsharty aıaqtalyp nemese kezekti demalysqa shyqqan ofıserler kelýde. Operatıvti taktıka, atys sabaqtary teorıa jáne praktıka júzinde ótedi. 1 aı kóleminde 19 pánnen sabaq alyp shyǵady.