Qazaqstandaǵy eń qymbat úılerge «krisha.kz» sholý jasady, dep habarlaıdy Almaty-akshamy.kz Massaget.kz-ke silteme jasap.
Óńirlerde sırek jaǵdaılardy qospaǵanda, eń qymbat jáne elıtalyq kotejder 400 mln teńge tóńireginde, aýdany boıynsha - eń úlkeni 500 sh.m. Atyraý, Qyzylorda men Tarazda kotejder quny sáýletine qaraı baǵalansa, Oral, Qaraǵandy men Aqtaýda – eń aldymen úıdiń ornalasqan jeri eskeriledi
Elimizdegi eń qymbat kotej Almaty qalasynda ornalasqan jáne onyń quny 5,8 mlrd teńge.
SHYMKENT - 721 MILLION TEŃGE
Ońtústik Qazaqstan oblysyna tıesili, ımperıa stılinde salynǵan bul záýlim úı 5-shi orynda. Jalpy aýdany - 1000 sharshy metr. 3 avtokólikke arnalǵan garaj, vana bólmesi men demalys bólmesi bar odan ózge saýna, sport zal, baseın ornalasqan. Úıdiń ekinshi qabatynda as úı, qonaq bólme, zal, keńse jáne úlken zal bar. Úshinshi qabatta 7 jatyn bólme.
AQMOLA OBLYSY - 811 MILLION TEŃGE
Aqmola oblysyna tıesili bul úı 811 mıllıon teńge. Úıdiń jalpy aýdany 819 sharshy metr bolatyn segiz bólmeden turady. Syrty jáne ishi aǵashpen bezendirilgen. Úlken kamın zaly kórgen adamdy tań qaldyrady. 35 sottyq jeri tas qorshaýmen qorshalǵan. Sondaı-aq, qyzmetkerlerge arnalǵan eki úı, monsha kesheni, saýnalardyń birneshe túri, baseın, bılárd jáne sport zaly bar.
ALMATY OBLYSY 894 MILLION TEŃGE
Dál osy somaǵa Esik aýylynan sý jańa úı satylymǵa shyǵaryldy. Úıdiń jalpy aýdany - 832 sharshy metr, al ýchaskeniń jalpy aýdany 100 sotyq. Úı ekologıalyq taza aýdanda ornalasqan. Alańda baseın, monsha, qysqy baq, kúzet úıi jáne qyzmet kórsetetin personaldarǵa arnalǵan jeke úı bar. Landshaft dızaın jobasy arqyly jasalǵan záýlim úıdiń barlyq buryshtaryna ósimdikter otyrǵyzylǵan. Belsendi ómir saltyn saqtaý úshin aýmaqta balalar oıyn alańy men fýtbol alańy bar.
ASTANA - 2,5 MILLIARD TEŃGE
Osy somaǵa Esil ózeniniń jaǵalaýyndaǵy "Aqbulaq" aýdanynda ornalasqan jalpy aýdany 1,200 sharshy metrdi quraıtyn úıdi satyp ala alasyz. Jerdiń jalpy aýdany - 120. Úıdiń bezendirilýi jáne onyń jıhazdary klasıkalyq stılde jasalǵan. Úıde árqaısysynyń jeke shkafy men jýynatyn bólmesi bar sondaı-aq, bes jatyn bólme, eki zal, jumys bólmesi, as úı, asqana jáne jazǵy terasa bar. Jyldyń kez-kelgen ýaqytynda júzýge bolatyn baseın jáne saýna, sondaı-aq 7 avtokólik garajy bar. Aýmaq bıik qorshaýmen qorshalǵan, ýchaskede landshafty dızaın jasalynǵan, jemis aǵashtary men qaraǵaılar otyrǵyzylǵan.
ALMATY - 5,8 MILLIARD TEŃGE
Záýlim saraı İle Alataýy taýynyń eteginde, Ospanov kóshesinde ornalasqan. Alyp jatqan ýchaskeniń jalpy aýmaǵy-180. Jyljymaıtyn múlik 900, 800 jáne 400 sharshy metrlik úsh kirpish úıden turady. Sonymen qatar, 340 sharshy metr aǵash úı bar. Sondaı-aq, jyljymaıtyn múlikke jabdyqtalǵan jattyǵý zaly men baseıni, monsha kesheni (1000 sharshy metr) jáne Banket zaly, jazǵy as úıi (250 sharshy metr) kiredi. Balalar, oıyn jáne sport alańdary bar.