Elimizde sáýir aıynda azyq-túlikke jatpaıtyn taýarlardyń baǵasy 1,3%, azyq-túlik taýarlary 0,9% qymbattady.
Ulttyq statısıka búrosynyń málimetinshe, aqyly qyzmetter 0,4% ósken, dep habarlaıdy Almaty-akshamy.kz.
Azyq-túlikke jatpaıtyn taýarlardyń ishinde dızel otyny (16,1%) men benzın (9,7%) qatty qymbattaǵan.
Naýryz aıymen salystyrǵanda jýý jáne tazalaý quraldary – 1,4%, jeke gıgıena quraldary – 1,1%, ydys-aıaq – 1%, turmystyq tehnıka 0,9% ósti.
Azyq-túlik taýarlary arasynda jemis pen kókónis baǵasy edáýir ósken.
«Sáýirde qyryqqabat – 4,7%, qyzanaq – 4,1%, júzim – 3%, alma – 2,6%, almurt 2,4% qymbattaǵan. Baǵanyń ósýi kúrishke – 2,7%, salqyndatylǵan sýsyndarǵa – 2,5%, rojkılerge, últrapasterlengen sútke – árqaısysy 2,4%-dan, salqyndatylǵan balyqqa – 2,2%, pasterlengen sút, makaron ónimderine – árqaısysy 2,1%-dan baıqaldy. Bul rette qıar – 11,4%, qaraqumyq jarmasy – 3,7%, kúnbaǵys maıy 2,6%-ǵa arzandady», - delingen málimette.
Al óńirler arasynda eń joǵary aılyq ınflásıa Abaı jáne Ulytaý oblystarynda tirkelgen – árqaısysynda 1,4%-dan. Eń tómengi ósim Astana qalasynda tirkeldi – 0,5%.
«Óńirler boıynsha azyq-túlik taýarlary baǵasynyń eń joǵary ósimi Batys Qazaqstan oblysynda – 1,8%, azyq-túlikke jatpaıtyn taýarlar boıynsha Almaty oblysynda – 3%, aqyly qyzmetterde Túrkistan oblysynda – 2,3%», - delingen málimette.