Jospar 310 mıllıard teńgege artyǵymen oryndalǵan.
Qarjy mınıstri Erulan Jamaýbaev respýblıkalyq búdjettiń kiris bóligi 16 trıllıon teńgege 101,9 paıyzǵa oryndalǵanyn aıtty, dep habarlaıdy Almaty-akshamy.kz
Onyń ishinde jeke tabys 10 trıllıon 472 mıllıard teńge. Jospar 310 mıllıard teńgege artyǵymen oryndalǵanyn málimdedi.
Erulan Jamaýbaev kiristegi negizgi úlesti salyq túsimderi alatynyn atap ótti.
"Ol boıynsha, jospar 210 mıllıard teńge - 102,1 paıyzǵa artyǵymen oryndaldy. Jalpy, respýblıkalyq búdjettiń kirisi 3,1 trıllıon teńgege - 42,3 paıyzǵa ósti. Bul tarıhta bolmaǵan rekordtyq kórsetkish dep aıta alamyz", - dedi Qarjy mınıstri.
Qarjy mınıstrliginiń basshysy búdjettiń kiris bóligi negizinen makroekonomıkalyq kórsetkishterge, sondaı-aq Qarjy mınıstrligi júrgizip jatqan salyqtyq jáne kedendik ákimshilendirýdi jaqsartý jáne olardy sıfrlandyrý sharalarymen baılanysty ekenin aıtty.
Buǵan deıin Memleket basshysy Qasym-Jomart Toqaev 2023-2025 jyldarǵa arnalǵan respýblıkalyq búdjetke ózgertýler engizýge qol qoıǵan bolatyn.