Búgin kúres túrlerinen Astana qalasynda ótip jatqan el birinshiliginde grek-rım kúresinen jeńimpazdar men júldegerler tolyǵymen anyqtalady.
Búgin boz kilemge 60 keli, 67 keli, 77 keli, 87 keli jáne 130 keli salmaq sanatyndaǵy balýandar ózara kim myqtyny anyqtaıdy, dep habarlaıdy almaty-akshamy.kz.
El birinshiligi elorda tórinde Jaqsylyq Úshkempirov atyndaǵy «Jekpe-jek» sport saraıynda ótip jatyr.
Esterińizge sala keteıik, keshe el birinshiliginiń alǵashqy kúni grek-rım sheberleri 55, 63, 72, 82 jáne Olımpıada baǵdarlamasyna kiretin 97 keli salmaqta júlde jıyntyǵyn sarapqa saldy.
Atalǵan el birinshiligine elimizdiń 20 óńirinen 600-den astam kúres sheberleri qatysýda.
Osy birinshilikte top jarǵan balýandar Bishkekte (Qyrǵyzstan) ótetin Azıa aımaqtyq, Ystanbulda (Túrkıa) ótetin álemdik irikteý týrnırinde baq synaý múmkindigine ıe bolady.