Qazaqstandyqtardyń 75,9%-y Konstıtýsıaǵa engiziletin ózgertýler men tolyqtyrýlardy qoldaýǵa daıyn. AMANAT partıasy janyndaǵy Qoǵamdyq saıasat ınstıtýty «Áleýmet» jobasy aıasynda júrgizilgen Referendum: Halyq üni zertteýiniń qorytyndysyn jarıalady, dep habarlaıdy Almaty-akshamy.kz Inform.kz-ke silteme jasap.
Uıymnyń málimetinshe, el turǵyndarynyń 67,9% Konstıtýsıalyq reforma eldiń damýyna oń áser etedi dep esepteıdi. Sondaı-aq áleýmettik derekter azamattardyń kópshiligi qoldanystaǵy Konstıtýsıany ózgertý boıynsha referendým ótkizýge oń kózqaras tanytyp otyrǵanyn kórsetti.
«Sońǵy áleýmettik zertteýlerdiń nátıjesi qazirgi qoǵamdyq-saıası úderisterdiń oń baǵalanatynyn dáleldedi. Azamattardyń 87,5%-y belgili bir dárejede el ómirindegi ózgeristerdi qalaıdy. Suralǵandardyń 55,4%-y belsendi azamattyq ustanymǵa ıe. Zertteýge elimizdiń barlyq óńirinen 1700-den astam respondent qatysty»,- dedi Qoǵamdyq saıasat ınstıtýtynyń dırektory Mádına Nurǵalıeva.
Aıta keteıik, júıeli áleýmettanýdy qalyptastyrý maqsatynda «Áleýmet» jobasy turaqty negizde zertteýler júrgizedi.