Aıyppul somasy 30 myńnan 306 myń 300 teńgege deıin salyný múmkin.
Demalys kúnderi Almatyda taýly-ormandy aımaqta órt qaýipsizdigi erejelerin buzǵany úshin 21 adam jaýapqa tartyldy, dep habarlaıdy Almaty-akshamy.kz.
Demalys jáne mereke kúnderi taýly-ormandy jerlerde órtterdiń aldyn alý úshin TJD, tabıǵatty qorǵaý polısıasy jáne İle-Alataý MUTP qyzmetkerlerinen turatyn mobıldi top úzdiksiz jumys atqardy.
«45 birlesken reıdter barysynda 23 sáýirden bastap 10 myńǵa jýyq jadynama taratyldy, taýly, ruqsat etilmegen jerlerde ot jaǵýdyń 39 jaǵdaıdy boldyrmaı, 21 adam ákimshilik jaýapkershilikke tartyldy, olardyń ekeýi jalpy somasy 76 myń 575 tg aıyppul salyndy», - delingen Almaty qalasy Tótenshe jańdaılar departamentiniń baspasóz qyzmetiniń habarlamasynda.
Mamandardyń aıtýynsha, orman sharýashylyǵy mekemeleri men tabıǵatty qorǵaý polısıasynyń qyzmetkerleri erekshe qorǵalatyn tabıǵı aýmaqtarda ot jaqqany úshin ákimshilik aıyppul salýǵa ýákiletti. Aıyppul somasy 30 myńnan 306 myń 300 teńgege deıin salyný múmkin.
«Osyǵan oraı, demalýshylardan temeki tuqylyn qurǵaq shópke tastamaýdy, ot jaqpaýdy jáne ashyq otty paıdalanbaýdy, shyny synyqtaryn jáne basqa da qoqystardy qaldyrmaýdy suraımyz», - delingen habarlamada.
Esterińizge sala keteıik, İle-Alataý ulttyq parkinde, Almaarasanda, Úlken Almaty jáne Kazachka ózenderiniń boıynda tamaq daıyndaý úshin arnaıy jabdyqtalǵan oryndar (oryndyq, ústel, betondalǵan alań, mangal) bar, alaıda shyrsha janynda ot jaǵýǵa qatań tyıym salynady.
Sonymen qatar, Medeý aýdanyndaǵy Medeý tabıǵı parkinde jáne Naýryzbaı aýdanyndaǵy Aqsaı shatqalynda ot jaǵý usynylmaıdy.