Prezıdent Ákimshiliginiń kelisimi boıynsha oblys ákiminiń ókimimen Túrkistan qalasynyń ákimi laýazymyna Ázimbek Pazylbekuly taǵaıyndaldy, dep habarlaıdy aqshamnews.kz.
Oblys ákimdiginiń baspasóz qyzmetinen málim bolǵandaı, Ázimbek Pazylbekuly 1991 jyly Qyzylorda oblysy, Jańaqorǵan aýdanynda dúnıege kelgen. Ál-Farabı atyndaǵy Qazaq ulttyq ýnıversıteti, Qorqyt Ata atyndaǵy Qyzylorda memlekettik ýnıversıtetin, M.Nárikbaev atyndaǵy Qazaq memlekettik zań ýnıversıtetin jáne «Bolashaq» ýnıversıtetin támamdaǵan. Mamandyqtary – memlekettik jáne jergilikti basqarý, ekonomıka, qurylys, quqyqtaný.
Eńbek jolyn 2013 jyly Qyzylorda qalalyq ishki saıasat bólimi jetekshi mamanynyń mindetin atqarýshy bolyp bastap, jetekshi maman, bas maman qyzmetterin atqarǵan. 2015 jyly Qyzylorda qalasynyń ákimi apparaty uıymdastyrý-ınspektorlyq bóliminiń bas ınspektory bolsa, odan keıin Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıtetiniń Komýnaldyq sharýashylyq basqarmasynyń sarapshysy, bas sarapshysy bolyp eńbek etken. 2017 jyldan bastap Investısıalar jáne damý mınıstrliginiń Qurylys jáne turǵyn úı-kommýnaldyq sharýashylyq isteri komıteti Komýnaldyq sharýashylyq basqarmasynyń bas sarapshysy, basshysy bolyp jumys istegen.
Investısıalar jáne damý mınıstrligi men Indýstrıa jáne ınfraqurylymdyq damý mınıstrliginiń basqarmalaryn basqarǵan. Indýstrıa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary, Ónerkásip jáne qurylys mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary laýazymdaryn atqarǵan.