Búgin taǵy 200-den asa adam qosylyp, jumys istep jatqandardyń sany 850-den asty.
Shahardyń ortalyq jylý jelisi tutastaı iske qosyldy. Endigi jumys úılerdiń kireberisi men jertólesinde, páter ishinde júrip jatyr, dep habarlaıdy Almaty-akshamy.kz.
Jóndeý brıgadalarynyń birin Ábilseıit Ábýbákirov basqarady. Onyń qaramaǵyndaǵy 34 adam 3 topqa bólingen. Olar qatyp qalǵan qubyrlardy qyzdyryp, jarylǵan batareıalardy almastyrýǵa járdemdesip júr. Brıgada sońǵy páterge jylý berilgenge deıin kenshiler qalasynda bolmaq.
«Árıne, aıaǵyna deıin bolamyz. Myna jumystardy bitirmeı, biz eshqaıda ketpeımiz. Sýdy, jylýdy berip, halyqpen birge osyndamyz. Biz bunda 29 qarashadan beri júrmiz», - deıdi jóndeý brıgadasynyń jetekshisi Ábilseıit Ábýbákirov.