Qaladaǵy jaǵdaı áli de turaqtalmady
Ekibastuzdaǵy apattan zardap shekken úılerdi jylý elektr ortalyǵynyń basshysy Aleksandr Klebanov óz qarajatyna jóndep beretin boldy, dep habarlaıdy Almaty-akshamy.kz Almaty.tv-ge silteme jasap.
Onyń sózinshe, qazandyqtardaǵy jumys toqtaǵan soń, jylý jelileri zaqymdanǵan. Kásipker jylý elektr ortalyǵynyń eskirgenin, oǵan jóndeý jumystaryn jasamaǵanyn moıyndap otyr. Al onyń sebebin tabystyń joqtyǵymen baılanystyrdy. Jergilikti bılik qubyrlardyń eskirgenin biledi. Endi Ekibastuzdaǵy jylý elektr ortalyǵyn qarjylandyrý isine memleket aralasýy múmkin.
«Apattyń sebebine qaramastan, biz zardap shekken úılerdi jóndeýdi moınymyzǵa alamyz. Búginnen bastap, kishkentaı balalar men olardyń analaryna birneshe sanatorııden oryn alyp berdik. Osyndaı jaǵdaıdyń bolǵany ókinishti. Biraq barlyq shyǵyndy kompanıa jaýyp beredi», – dedi «Ortalyq Azıa elektr energetıkasy korporasıasy» AQ dırektorlar keńesiniń tóraǵasy Aleksandr Klebanov.
Vıse-premer Roman Sklár apat jumysshylardyń kesirinen bolǵanyn aıtqan edi. Onyń aıtýynsha, qyzmetkerlerdiń qateliginen qysym kóterilip ketken.
27 qarasha kúni Ekibastuzdaǵy jylý jelilerinde 43 jerden jarylys bolǵan edi. Qaladaǵy jaǵdaı áli de turaqtalmady.