Prezıdent Ákimshiligi basshysynyń orynbasary - Prezıdenttiń baspasóz hatshysy Rýslan Jeldibaı Memleket basshysynyń tapsyrmasymen Ekibastuz qalasynda shyǵarmashylyq úıiniń qurylysy bastalatynyn málimdedi, dep habarlaıdy Almaty-akshamy.kz.
«Keshe Prezıdenttiń Ekibastuz turǵyndarymen kezdesýinde qala turǵyndary atynan kópbalaly ana Aıana Smaǵulova balalarǵa arnalǵan shyǵarmashylyq úıin salý týraly ótinishin aıtty.
Memleket basshysynyń tapsyrmasy boıynsha óskeleń urpaqtyń shyǵarmashylyq jáne ıntellektýaldy qabiletterin damytýǵa arnalǵan áleýmettik nysandy salý jóninde sheshim qabyldandy. Nysandy qarjylandyrý kózi tabyldy. Shyǵarmashylyq úıi demeýshilerdiń esebinen salynady.
Oblys ákimdigine jobanyń júzege asyrylýyn qadaǵalaý tapsyryldy», - dep jazdy Rýslan jeldibaı áleýmettik jelidegi paraqshasyna.
Aıta keteıik, keshe Pavlodar óńirine jumys saparymen arnaıy barǵan Memleket basshysy Qasym-Jomart Toqaev aldymen, Ekibastuz qalasynyń jylý elektr ortalyǵyndaǵy jóndeý jumystarymen tanysyp, odan keıin oblys turǵyndarymen, kreatıvti jastarmen áńgimelesti.