Japonıada Korean Air Lines A330 jáne Boeing 777 Cathay Pacific ushaqtary artqa júrý kezinde soqtyǵysty, - dep habarlaıdy almaty-akshamy.kz AviationSource News basylymyna silteme jasap.
Áýekompanıa ókiliniń málimetinshe, Sapporo qalasynyń Nú Chıtos áýejaıynda Airbus A330-300 Korean Air Lines ushaǵy artqa júrý kezinde turaqta turǵan Boeing 777 Cathay Pacific ushaǵyn soqqan. Oqıǵa 16 qańtarda Hokkaıdo aralynyń soltústiginde bolǵan.
Boeing Cathay Pacific ushaǵy Sapporodan Gonkongqa ushý kerek bolǵan, alaıda soqtyǵysý saldarynan eki ushaqqa da zaqym kelgen.
Koreı áýekompanıasyna tıesili ushaqtyń bortynda 289 jolaýshy bolǵan, abyroı bolǵanda eshkim zardap shekken joq. Al Boeing 777 Cathay Pacific borty bos turǵan. Korean Air Lines ókilderi áleýmettik jelide shaǵyn jazba qaldyrdy.
"Nú Chıtos áýejaıyndaǵy KE766 reısine qatysty málimdeımiz. Korean Air ushaǵy artqa júrý kezinde Cathay ushaǵyn soqty. Zardap shekkender joq, áýekompanıa barlyq quzyrly organdarmen baılanys ornatty", - delingen áýekompanıa ókilderi.