16 maýsymdaǵy jaǵdaı boıynsha 161 myń avtokólik zańdastyryldy
Tirkeýdi kútip otyrǵan taǵy 13 myńnan astamy bar, dep habarlaıdy Almaty-akshamy.kz.
QR İİM Ákimshilik polısıa komıetiniń málimetinshe, sondaı-aq 22 mamyrdan bastap 7 myńǵa jýyq avtokólik-konstrýktor qazaqstandyq esepke qoıyldy.
«Ózderińiz biletindeı, zańdastyrý aıaqtalǵanǵa deıin eki apta qaldy. Kóptegen azamattar óz kólikterin zańdastyrýǵa úlgermeı qalýymyz múmkin degen alańdaýshylyq bildirýde. Osyǵan baılanysty aǵymdaǵy jyldyń 1 shildesine deıin ótinim bergen Qazaqstannyń barlyq azamattaryna kórsetilgen merzimnen keıin avtokólikterterdi zańdastyrý quqyǵy beriletinin habarlaǵym keledi», - dedi İİM Ákimshilik polısıa komıtetiniń tóraǵasy Qaısar Sultanbaev.
Al Eýrazıalyq ekonomıkalyq odaq elderinde burynǵy tirkelgen jeri boıynsha esepten shyǵarylmaı, tıisinshe zańdastyrylmaǵan temir tulparlar el aýmaǵynda 5 jyl merzimge ýaqytsha esepke qoıylady.
«Aǵymdaǵy jyldyń 1 shildesinen bastap zańdastyrýǵa ótinimderdi qabyldaý toqtatylady jáne zańdastyrý merzimi uzartylmaıtynyn eskertemiz. Odan keıin sheteldik esepte turǵan avtokólikterdi Qazaqstan Respýblıkasynyń zań talaptaryn buzyp paıdalanýdy jalǵastyrǵan azamattarǵa tıisti sharalar qabyldanady», - dep túıindedi Ákimshilik polısıa komıtetininiń tóraǵasy.