Bul týraly «Ulttyq aqparattyq tehnologıalar» AQ baspasóz qyzmeti málim etti, dep habarlaıdy almaty-akshamy.kz.
Endi mobıldi qosymshany paıdalanýshylar jumys berýshimen eńbek shartyna tek qaǵaz túrinde ǵana emes, smartfondy paıdalanyp, eGov mobile qosymshasy arqyly qol qoıa alady.
Jumys berýshi https://hr.enbek.kz portalynda óziniń jeke kabınetinde elektrondy eńbek shartynyń jobasyn jasaıdy jáne ony jumysshyǵa kelisýge joldaıdy. Jumysshy shartqa qol qoıý usynysymen eGov Mobile mobıldi qoldanbasynda push-habarlama keledi. Jumysshy óziniń jeke basyn qysqa parólmen, mobıldi qosymshadaǵy bıometrıalyq derektermen rastaıdy, push-habarlama arqyly ótedi. Jumysshy eńbek shartymen tanysady, eger sharttarmen kelisse, qysqa kodty engizip nemese bıometrıalyq derektermen tekserýden ótip, óziniń ESQ kómegimen qol qoıady. Júıe http://hr.enbek.kz portalyndaǵy jumys berýshiniń Jeke kabınetine habarlama jiberedi. Jumys berýshi elektrondy eńbek shartyna qoljetimdi tásilderdiń birimen ESQ nemese QR arqyly qol qoıady», - dep jazylǵan habarlamada.
Júıe qol qoıylǵan elektrondy eńbek shartyn Eńbek sharttaryn esepke alýdyń biryńǵaı júıesine tirkeýge avtomatty túrde jiberedi, sodan keıin shart jasalǵan bolyp esepteledi.
Jańa qyzmet túri iske qosylǵan sátten bastap qol qoıylǵan elektrondy eńbek shartynyń sany 775-ke jetti.