Avstrıalyq týrıs jaǵalaýǵa jaqyn jerde júzip júrgen
Egıpettiń Hýrgada qalasyna jaqyn ornalasqan kýrortynda rýmynıalyq týrıs akýlanyń shabýylynan qaza tapty, dep habarlaıdy Almaty-akshamy.kz QazAqparatqa silteme jasap.
AlArabiya saıtynyń málimetetinshe, Rýmynıa syrtqy ister mınıstrliginiń málimetinshe, 3 shildede týrısik kompanıa ókili Kaırdegi Rýmynıa elshiligine Hýrgadada demalyp júrgen áıeldiń ólimi týraly habarlaǵan.
«Egıpettiń quzyrly bıligi usynǵan aqparatqa sáıkes, tergeý Rýmynıa azamatynyń akýla shabýylynan qaza tapqanyn anyqtady», - delingen mınıstrlik habarlamasynda.
Qazir qaza tapqan týrısiń jeke-basy anyqtalyp, otbasyna habar berilip jatyr.
Dál osyndaı jaǵdaı rýmynıalyq týrısiń máıiti tabylǵanǵa deıin birneshe saǵat buryn bolǵan edi. 68 jastaǵy avstrıalyq Elızabet Skvaır akýla shabýylynan keıin kóz jumdy. Eki oqıǵa da Sahl-Hashısh buǵazynda, bir-birinen 600 metr qashyqtyqta boldy. Kýágerlerdiń aıtýynsha, avstrıalyq týrıs jaǵalaýǵa jaqyn jerde júzip júrgen.
Osy oqıǵadan keıin Egıpet bıligi Qyzyl teńizdegi jaǵalaý ýchaskesin jaýyp tastady. Sýdaǵy sport túrlerine tyıym salyndy. Balyq aýlaıtyn qaıyqtarǵa da Hýrgada jaǵalaýynda júzýge ruqsat etilmeıdi.
Mınıstrlik qaza tapqandardyń otbasyna kóńil aıtyp, quzyrly komıtettiń qazirgi tańda kýrort mańynda akýlanyń júrý sebebin tergep jatqanyn málim etti.
Jalpy, sońǵy jyldary Qyzyl teńizde akýlanyń adamdarǵa shabýyldaýy sırek bolǵan. 2020 jyly akýla shabýylynan ýkraındyq bala qolynan, egıpettik gıd aıaǵynan aıyrylǵan. Al, 2018 jyly jyrtqysh Qyzyl teńiz jaǵajaıynda cheh týrısin mert qyldy. Osyndaı oqıǵa saldarynan 2015 jyly nemis týrısi qaza tapqan bolatyn.