Joba 2030 jylǵa qaraı iske asady
Bıyl qazan aıyna deıin Almatynynyń Tóle bı kóshesindegi jedel relsti tramvaı jolyn damytý boıynsha sheshim shyqpaq. Al 2030 jylǵa qaraı Almaty-2 stansasynan Qonaev qalasyna deıin elektr poıyzy iske qosylmaq. Bul týraly Almaty ákimi Erbolat Dosaev 2025-2030 jyldarǵa arnalǵan damý josparyn qoǵamdyq keńes múshelerimen talqylaý barysynda málimdedi, dep habarlaıdy Almaty-akshamy.kz Almaty.tv-ge silteme jasap.
Megapolıs basshysy qalany keshendi damytý 12 baǵytta júredi dedi. 2025-2030 jylǵa qaraı shahardy bes ortalyqqa bólip, barlyǵynda áleýmettik nysandar 15 mınýttyq jerde bolýy qarastyrylady. Ásirese qoǵamdyq kólikterdi damytýǵa kóńil bólinbek. 800 jańa avtobýs alynady, gazben júretin qoǵamdyq kólikter úshin eki park pen 5 gaz quıý beketi salynady.
«Batys baǵytta úsh jańa metro stansasy salynady. Almaty metrosyn odan ári damytýdyń aıasynda Soltústik baǵytta Almaty-1 temir jol vokzalyna deıin metrony damytý boıynsha usynystar daıyndalady. Bıyl qazan aıyna deıin Tóle bı kóshesindegi LRT-ny damytý jónindegi sheshim qabyldanady», – dedi Almaty qalasynyń ákimi Erbolat Dosaev.
Sondaı-aq Erbolat Dosaev jyl sońyna deıin aglomerasıalardy damytýdyń jańa jospary qabyldanatynyn málimdedi. Sonyń aıasynda ekologıa, kólik ıntegrasıasy, áleýmettik ınfraqurylym men jumys oryndarynyń qurylýy sıaqty máseleler sheshilmek.
«Qala men qala mańyndaǵy kólik baılanysty jaqsartý úshin biz qosymsha jańa 30 marshrýt, qosymsha Almaty-2 stansasynan Qonaev qalasyna deıin elektr poıyzyn iske qosamyz. Almaty-3 temir joly vokzalynyń qurylysyn bastaımyz. Eń kóp kúsh túsetin kirý magıstraldaryn 2025 jylǵa deıin Qulja tarktisi men Boraldaı-SHamalǵan traktisin, 2030 jylǵa deıin Talǵar traktisi men joǵary Qaskeleń traktisin keńeıtemiz», – dedi Almaty qalasynyń ákimi Erbolat Dosaev.
Keshendi damý baǵyttaryn ataı kele, shahar basshysy Almatyny damytý týraly josparǵa turǵyndardyń 63 paıyzy oń pikir bildirgenin tilge tıek etti. Eske salsaq, buǵan deıin megapolıstiń damý jobasy 27 maýsym men 1 shilde aralyǵynda qoǵamnyń talqysyna salyndy. Osy ýaqyt aralyǵynda turǵyndardan 1200-den asa usynys kelip túsken. Qala halqy kóbine jańa metro baǵyttaryn ashý, jumyssyzdyqty joıý, júrip-turýǵa jaıly jaǵdaı jasaý, ekologıa sıaqty máselelerdi kótergen. Otyrys kezinde qoǵamdyq keńes ókilderi eldi tolǵandyrǵan túıtkilderdi jetkizip, ákimnen tikeleı jaýap aldy.
«Endi qarastyramyz dedi. Jataqhanalardy qoǵamdyq keńes ókilderimen aralap, jataqhanalardyń jaıyn aıtty. Aǵash otyrǵyzýǵa baılanysty másele kóterildi. Almatyǵa qandaı aǵashtar jersinedi, sol týraly myna botanıkalyq baqtyń ókilderimen kelisip, surastyryp qarap kóreıik dedi», – dedi qoǵamdyq keńes múshesi Talǵat Janysbaı.
«Men de bir máselen kótersem be dep otyrmyn. Densaýlyqqa baılanysty. Bizdiń elimiz jan basyna shaqqanda júrek-qan tamyr aýrýlarynan álemde aldyńǵy oryn alady. Bunyń basty sebebi eldegi emdeý júıesiniń qatelikterinen bolyp otyr. Dári-dármek tek shamamen 30 paıyz kómektesedi eken. Al qalǵany dárige qatysy joq. Aýrýdyń aldyn alý kerek», – dedi qoǵamdyq keńes múshesi Erkin Raqyshev.
Kezdesý barysynda qala basshysy qoǵamdyq keńes múshelerin atqarylar sharýalardy bir jeńnen qol, bir jaǵadan bas bolyp birigip sheshýge shaqyrdy. Shahardy damytý jospary aldaǵy 2 aı boıy talqyǵa túsetin bolady. Usynys, tilekter men negizgi baǵyttar 5 qyrkúıekte naqty bekitilmek. Qalalyqtar jobamen Almaty damý ortalyǵynyń resmı saıtynan tanysa alady.