Qazaqstanda baý-baqsha sharýashylyǵyn, otandyq alma óndirisin damytý úshin sýbsıdıalar, jeńildikti kredıt berý túrinde memlekettik qoldaý sharalary qabyldanýda.
Qabyldanǵan sharalardyń nátıjesinde sońǵy 5 jylda alma boıynsha qamtamasyz etý 62,9%-dan (2019 j.) 80% -ǵa (2023 j.) deıin ósti, dep habarlaıdy aqshamnews.kz ASHM baspasóz qyzmetine silteme jasap.
Sonymen qatar, fermerler ımporttyq óndirýshiler tarapynan dempıńke ushyraýda, joǵary básekelesttik ımporttyq ónim otandyq óndirýshilerdiń rentabeldiligin tómendetedi.
Egin jınaý kezinde alma ımporty qatar bolǵanda qazaqstandyq baǵbandar ónimdi ótkizýde qıyndyqtarǵa tap bolady, bul olardyń qarjylyq jaǵdaıyn nasharlatady.
2024 jyldyń 7 aıynda shamamen 107, 3 myń tonna alma ımporttaldy (2023 jyldyń osyndaı kezeńimen salystyrǵanda 58% -ǵa ósti). Negizgi ımport Polsha, Iran, Ózbekstan, QHR-dan júzege asyrylady. Bul rette ımporttyń ósýi Qytaıdan ımporttyń 18 ese jáne Irannan 7 ese ımporttyq ósýimen baılanysty.
Osyǵan baılanysty, otandyq alma óndirisin qoldaý jáne otandyq ónimdi ótkizýdi qamtamasyz etý maqsatynda Syrtqy saýda saıasaty jáne halyqaralyq ekonomıkalyq uıymdarǵa qatysý máseleleri jónindegi vedomstvoaralyq komısıa 2024 jylǵy 31 jeltoqsanǵa deıin avtomobıl kóligimen úshinshi elderden alma (SEQTN kody: 080810) ákelýge tyıym salýdy engizýdi maquldady.
Alma ákelýge tyıym salý tek egin jınaý kezeńinde ǵana engizilgen, bul otandyq baǵbandarǵa jınalǵan ónimdi saqtaýǵa jáne ony qolaıly baǵamen satýǵa múmkindik beredi. Maýsymaralyq kezeńde alma ımporty shektelmeıdi.
Shekteý EAEO-ǵa múshe memleketterden alma ákelýge jáne Qazaqstan aýmaǵy arqyly halyqaralyq alma tranzıtine áser etpeıdi.
Buıryq 2024 jylǵy 8 qazanda kúshine endi.
Buıryqpen kelesi silteme boıynsha tanysýǵa bolady: https://zan.gov.kz/client/#!/doc/201409/kaz.